ਚੰਡੀਗੜ੍ਹ: ਸੰਗੀਤ ਦੀ ਦੁਨੀਆ ਦੇ ਸਿਰਮੌਰ ਸਿਤਾਰਿਆਂ ਵਿੱਚ ਆਪਣਾ ਸ਼ੁਮਾਰ ਕਰਵਾਉਣ ਵਿੱਚ ਸਫ਼ਲ ਰਹੇ ਹਨ ਗਿੱਪੀ ਗਰੇਵਾਲ ਅਤੇ ਯੋ ਯੋ ਹਨੀ ਸਿੰਘ, ਜੋ ਲੰਮੇਂ ਸਮੇਂ ਬਾਅਦ ਇੱਕ ਵਿਸ਼ੇਸ਼ ਗਾਣੇ ਲਈ ਮੁੜ ਇਕੱਠੇ ਹੋਏ ਹਨ, ਜਿੰਨ੍ਹਾਂ ਦੋਹਾਂ ਦੀ ਸ਼ਾਨਦਾਰ ਜੁਗਲਬੰਦੀ ਅਧੀਨ ਸਜਿਆ ਇਹ ਟਰੈਕ ਜਲਦ ਹੀ ਸੰਗੀਤਕ ਮਾਰਕੀਟ ਵਿੱਚ ਦਸਤਕ ਦੇਵੇਗਾ।
ਸੰਗੀਤਕ ਗਲਿਆਰਿਆਂ ਵਿੱਚ ਧੱਕ ਪਾਉਣ ਜਾ ਰਹੇ ਉਕਤ ਗਾਣੇ ਦੇ ਸਿਲਸਿਲੇ ਅਧੀਨ ਗਿੱਪੀ ਗਰੇਵਾਲ ਅਤੇ ਯੋ ਯੋ ਹਨੀ ਸਿੰਘ ਇੰਨੀਂ ਦਿਨੀਂ ਦੁਬਈ ਵਿੱਚ ਡੇਰੇ ਲਾ ਚੁੱਕੇ ਹਨ, ਜਿੱਥੇ ਉਨ੍ਹਾਂ ਵੱਲੋਂ ਇਸ ਗਾਣੇ ਦੇ ਮਿਊਜ਼ਿਕ ਵੀਡੀਓ ਨੂੰ ਵੀ ਅੰਜ਼ਾਮ ਦਿੱਤਾ ਜਾਵੇਗਾ, ਜਿਸਨੂੰ ਬਹੁਤ ਹੀ ਵੱਡੇ ਸਕੇਲ ਉਪਰ ਫਿਲਮਾਇਆ ਜਾ ਰਿਹਾ ਹੈ, ਜਿਸ ਸੰਬੰਧਤ ਪਹਿਲੀ ਝਲਕ ਦੀ ਸੰਗੀਤ ਪ੍ਰੇਮੀਆਂ ਵੱਲੋਂ ਉਤਸੁਕਤਾ ਨਾਲ ਉਡੀਕ ਕੀਤੀ ਜਾ ਰਹੀ ਹੈ।
ਜ਼ਿਕਰਯੋਗ ਹੈ ਕਿ ਗਿੱਪੀ ਗਰੇਵਾਲ ਅਤੇ ਹਨੀ ਸਿੰਘ ਦਾ ਸੰਗੀਤਕ ਸੁਮੇਲ ਕਈ ਵਾਰ ਨਵੇਂ ਅਯਾਮ ਸਿਰਜਣ ਵਿੱਚ ਕਾਮਯਾਬ ਰਿਹਾ ਹੈ, ਜਿਸ ਦਾ ਇਜ਼ਹਾਰ ਸਾਲ 2011 ਵਿੱਚ ਰਿਲੀਜ਼ ਹੋਇਆ ਇੰਨ੍ਹਾਂ ਦੋਹਾਂ ਇਕੱਠਿਆਂ ਦਾ 'ਅੰਗਰੇਜ਼ੀ ਬੀਟ' ਵੀ ਕਰਵਾ ਚੁੱਕਾ ਹੈ, ਜੋ 155 ਮਿਲੀਅਨ ਵਿਊਅਰਸ਼ਿਪ ਨਾਲ ਸੰਗੀਤਕ ਚਾਰਟ ਦਾ ਉੱਚ ਸਿਖਰ ਹੰਢਾ ਚੁੱਕਾ ਹੈ।
'ਸਪੀਡ ਰਿਕਾਰਡਜ਼' ਵੱਲੋਂ ਵੱਡੇ ਪੱਧਰ ਉੱਪਰ ਪੇਸ਼ ਕੀਤੇ ਗਏ ਇਸ ਗਾਣੇ ਨੇ ਗਿੱਪੀ ਗਰੇਵਾਲ ਦੀ ਸੰਗੀਤ ਖੇਤਰ ਵਿੱਚ ਸਥਿਤੀ ਨੂੰ ਹੋਰ ਮਜ਼ਬੂਤ ਕਰਨ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾਈ ਸੀ। ਇਸ ਤੋਂ ਇਲਾਵਾ ਸਾਲ 2012 ਵਿੱਚ ਸਾਹਮਣੇ ਆਈ ਬਲਜੀਤ ਸਿੰਘ ਦਿਓ ਦੀ ਚਰਚਿਤ ਪੰਜਾਬੀ ਫਿਲਮ 'ਮਿਰਜ਼ਾ: ਦਾ ਅਣਟੋਲਡ ਸਟੋਰੀ' ਵਿੱਚ ਵੀ ਇੰਨ੍ਹਾਂ ਦੋਹਾਂ ਦੀ ਸ਼ਾਨਦਾਰ ਕੈਮਿਸਟਰੀ ਨੂੰ ਕਾਫ਼ੀ ਪਸੰਦ ਕੀਤਾ ਗਿਆ ਸੀ, ਹਾਲਾਂਕਿ ਦੋਹਾਂ ਦਾ ਕਿਰਦਾਰ ਸ਼ੇਡ ਵੱਖ-ਵੱਖ ਸਿਰਜਿਆ ਗਿਆ, ਜਿਸ ਨੂੰ ਅਸਰਦਾਇਕ ਰੂਪ ਵਿੱਚ ਅੰਜ਼ਾਮ ਦੇਣ ਵਿੱਚ ਸਫ਼ਲ ਰਹੇ ਸਨ ਇਹ ਦੋਨੋਂ ਦਿੱਗਜ ਕਲਾਕਾਰ।
- ਦਿਲਜੀਤ-ਨੀਰੂ ਦੀ ਫਿਲਮ 'ਜੱਟ ਐਂਡ ਜੂਲੀਅਟ 3' ਨੇ ਕਰਵਾਈ ਬੱਲੇ-ਬੱਲੇ, ਤੋੜਿਆ ਗਿੱਪੀ ਗਰੇਵਾਲ ਦੀ ਫਿਲਮ ਦਾ ਰਿਕਾਰਡ, ਕੀਤੀ ਇੰਨੀ ਕਮਾਈ - Jatt and Juliet 3
- ਅੱਠ ਸਾਲਾਂ ਬਾਅਦ ਇਸ ਪੰਜਾਬੀ ਫਿਲਮ 'ਚ ਨਜ਼ਰ ਆਉਣਗੇ ਸੁਨੀਲ ਗਰੋਵਰ, ਜਲਦ ਹੋਵੇਗੀ ਰਿਲੀਜ਼ - Sunil Grover
- ਜ਼ਰੀਨ ਖਾਨ ਤੋਂ ਲੈ ਕੇ ਹਿਨਾ ਖਾਨ ਤੱਕ, ਬੇਸ਼ੁਮਾਰ ਚਰਚਿਤ ਚਿਹਰਿਆਂ ਨੂੰ ਪੰਜਾਬੀ ਸਿਨੇਮਾ ਦੇ ਵਿਹੜੇ ਲਿਆ ਚੁੱਕੇ ਨੇ ਗਿੱਪੀ ਗਰੇਵਾਲ - Gippy Grewal
ਉਧਰ ਜੇਕਰ ਮੌਜੂਦਾ ਵਰਕਫਰੰਟ ਦੀ ਗੱਲ ਕੀਤੀ ਜਾਵੇ ਤਾਂ ਅਦਾਕਾਰ-ਗਾਇਕ ਗਿੱਪੀ ਗਰੇਵਾਲ ਜਿੱਥੇ ਪੰਜਾਬੀ ਫਿਲਮਾਂ ਅਤੇ ਗਾਣਿਆ ਨਾਲ ਬਰਾਬਰ ਅਪਣੇ ਪ੍ਰਭਾਵ ਦਾ ਇਜ਼ਹਾਰ ਕਰਵਾ ਰਹੇ ਹਨ, ਉਥੇ ਹਨੀ ਸਿੰਘ ਵੀ ਉੱਚ ਪੱਧਰੀ ਗਾਣਿਆਂ ਨਾਲ ਲਗਾਤਾਰ ਇਸ ਖਿੱਤੇ ਵਿੱਚ ਛਾਏ ਹੋਏ ਹਨ।
