ਚੰਡੀਗੜ੍ਹ: ਪੰਜਾਬੀ ਸਿਨੇਮਾ ਖੇਤਰ ਵਿੱਚ ਮਜ਼ਬੂਤ ਪੈੜਾਂ ਸਿਰਜਦੀ ਜਾ ਰਹੀ ਹੈ ਅਦਾਕਾਰਾ ਰੌਣਕ ਜੋਸ਼ੀ, ਜਿਸ ਦੇ ਵਿਸ਼ਾਲਤਾ ਅਖ਼ਤਿਆਰ ਕਰਦੇ ਜਾ ਰਹੇ ਇਸ ਦਾਇਰੇ ਦਾ ਹੀ ਇਜ਼ਹਾਰ ਕਰਵਾਉਣ ਜਾ ਰਹੀ ਹੈ ਆਉਣ ਵਾਲੀ ਪੰਜਾਬੀ ਫਿਲਮ 'ਫਤਹਿ', ਜੋ ਜਲਦ ਹੀ ਆਨ ਫਲੌਰ ਪੜਾਅ ਦਾ ਹਿੱਸਾ ਬਣਨ ਜਾ ਰਹੀ ਹੈ।
ਸੰਗੀਤਕ ਕੰਪਨੀ 'ਗੀਤ ਐਮਪੀ3' ਅਤੇ 'ਜੀਕੇ ਡਿਜ਼ੀਟਲ' ਵੱਲੋਂ ਪੇਸ਼ ਕੀਤੀ ਜਾ ਰਹੀ ਇਸ ਫਿਲਮ ਦਾ ਲੇਖਨ ਅਤੇ ਨਿਰਦੇਸ਼ਨ ਸੇਵੀਓ ਸੰਧੂ ਕਰ ਰਹੇ ਹਨ, ਜੋ ਮਿਊਜ਼ਿਕ ਵੀਡੀਓ ਦੀ ਦੁਨੀਆ ਵਿੱਚ ਬਤੌਰ ਨਿਰਦੇਸ਼ਕ ਚੌਖੀ ਭੱਲ ਸਥਾਪਿਤ ਕਰ ਚੁੱਕੇ ਹਨ ਅਤੇ ਇਸ ਫਿਲਮ ਨਾਲ ਸਿਨੇਮਾ ਖਿੱਤੇ ਵਿੱਚ ਸ਼ਾਨਦਾਰ ਪਾਰੀ ਦਾ ਆਗਾਜ਼ ਕਰਨ ਜਾ ਰਹੇ ਹਨ।
ਸੱਚੀ ਕਹਾਣੀ ਆਧਾਰਿਤ ਅਤੇ ਵੋਮੈਨ ਓਰੀਐਟਡ ਇਸ ਫਿਲਮ ਵਿੱਚ ਲੀਡ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ ਅਦਾਕਾਰਾ ਰੌਣਕ ਜੋਸ਼ੀ, ਜੋ ਸੋਸ਼ਲ ਮੀਡੀਆ ਬਲੋਗਿੰਗ 'ਚ ਵੀ ਅੱਜਕੱਲ੍ਹ ਚੌਖਾ ਨਾਮਣਾ ਖੱਟ ਰਹੀ ਹੈ। ਸਾਲ 2021 'ਚ ਸਾਹਮਣੇ ਆਈ ਚਰਚਿਤ ਪੰਜਾਬੀ ਵੈੱਬ ਸੀਰੀਜ਼ 'ਮੁਰੱਬਾ' ਦਾ ਵੀ ਪ੍ਰਭਾਵਸ਼ਾਲੀ ਹਿੱਸਾ ਰਹੀ ਹੈ ਇਹ ਪ੍ਰਤਿਭਾਵਾਨ ਅਦਾਕਾਰਾ, ਜਿਸ ਵੱਲੋਂ ਹਾਲੀਆ ਸਮੇਂ ਦੌਰਾਨ ਰਿਲੀਜ਼ ਹੋਈ ਅਤੇ ਗਾਇਕ-ਅਦਾਕਾਰ ਗੁਰੀ ਸਟਾਰਰ ਬਹੁ-ਚਰਚਿਤ ਪੰਜਾਬੀ ਫਿਲਮ 'ਲਵਰ' ਵਿੱਚ ਨਿਭਾਈ ਲੀਡਿੰਗ ਭੂਮਿਕਾ ਨੂੰ ਦਰਸ਼ਕਾਂ ਵੱਲੋਂ ਖਾਸਾ ਪਸੰਦ ਕੀਤਾ ਗਿਆ ਹੈ।
- ਇੱਕ ਸ਼ਾਨਦਾਰ ਪੰਜਾਬੀ ਫਿਲਮ 'ਆਖ਼ਰੀ ਬਾਬੇ' ਦਾ ਹੋਇਆ ਐਲਾਨ, ਜੱਸੀ ਮਾਨ ਕਰਨਗੇ ਨਿਰਦੇਸ਼ਨ - upcoming Punjabi film Aakhri Baabe
- ਸਲਮਾਨ ਖਾਨ ਫਾਇਰਿੰਗ ਮਾਮਲੇ ਵਿੱਚ ਪੁਲਿਸ ਦੀ ਚਾਰਜਸ਼ੀਟ ਦਾ ਖੁਲਾਸਾ, 'ਭਾਈਜਾਨ' ਨੂੰ ਮਾਰਨ ਲਈ ਦਿੱਤਾ ਗਿਆ ਸੀ 25 ਲੱਖ ਦਾ ਠੇਕਾ - Salman Khan House Firing Case
- ਸ਼ਾਨਦਾਰ ਕਮਬੈਕ ਵੱਲ ਵਧੇ ਰਾਜਕੁਮਾਰ ਸੰਤੋਸ਼ੀ, ਇਸ ਵੱਡੀ ਫਿਲਮ ਨਾਲ ਆਉਣਗੇ ਸਾਹਮਣੇ - Rajkumar Santoshi New Film
ਸਿਨੇਮਾ ਖੇਤਰ ਵਿੱਚ ਪੜਾਅ ਦਰ ਪੜਾਅ ਨਵੇਂ ਦੇ ਸਿਰਜ ਰਹੀ ਅਦਾਕਾਰਾ ਰੌਣਕ ਜੋਸ਼ੀ ਦੀ ਉਕਤ ਨਵੀਂ ਫਿਲਮ ਨਾਲ ਜੁੜੇ ਕੁਝ ਅਹਿਮ ਪਹਿਲੂਆਂ ਦੀ ਗੱਲ ਕੀਤੀ ਜਾਵੇ ਤਾਂ ਇਹ 'ਗੀਤ ਐਮਪੀ3' ਵੱਲੋਂ ਬਣਾਈ ਜਾ ਰਹੀ ਦਸਵੀਂ ਫਿਲਮ ਹੋਵੇਗੀ, ਜੋ ਇਸ ਤੋਂ ਪਹਿਲਾਂ 'ਸ਼ੂਟਰ', 'ਜੱਟ ਬ੍ਰਦਰ', ' ਲਵਰ', 'ਓਏ ਭੋਲੇ ਓਏ', 'ਸਿਕੰਦਰ2', 'ਚੌਬਰ' ਅਤੇ 'ਕਾਕਾ ਪ੍ਰਧਾਨ' ਦਾ ਵੀ ਨਿਰਮਾਣ ਕਰ ਚੁੱਕੀ ਹੈ ਅਤੇ ਅੱਜਕੱਲ੍ਹ ਇੱਕ ਹੋਰ ਪੰਜਾਬੀ ਫਿਲਮ 'ਮਝੈਲ' ਦੇ ਨਿਰਮਾਣ ਵਿੱਚ ਵੀ ਰੁੱਝੀ ਹੋਈ ਹੈ, ਜਿਸ ਵਿੱਚ ਦੇਵ ਖਰੌੜ ਅਤੇ ਅਦਿਤੀ ਆਰਿਆ ਲੀਡ ਜੋੜੀ ਵਜੋਂ ਨਜ਼ਰ ਆਉਣਗੇ।
