ରାଇରଙ୍ଗପୁର ଉପଖଣ୍ଡର ୪ଟି ବ୍ଲକରେ ମତଦାନ ଜାରି

ରାଇରଙ୍ଗପୁର : ଚାଲିଛି ଗଣତନ୍ତ୍ରର ମହାପର୍ବ ନିର୍ବାଚନ। ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଆଜି ହେଉଛି ଚତୁର୍ଥ ପର୍ଯ୍ୟାୟ ମତଦାନ। ରାଇରଙ୍ଗପୁର ଉପଖଣ୍ଡର ଚାରୋଟି ବ୍ଲକ ଜାମଦା, ବହଳଦା, ତିରିଂ ଓ ରାଇରଙ୍ଗପୁର ବ୍ଲକ ର ୫୭୬ ଟି ବୁଥ ରେ ମତଦାନ ଜାରି ରହିଛି। ଚାରୋଟି ବ୍ଲକର ୨,୧୪,୩୩୧ ଜଣ ଭୋଟର ଆଜି ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ। ତେବେ ଉପଖଣ୍ଡର ଚାରୋଟି ବ୍ଲକରେ ସକାଳ ୭ ଟାରୁ ମତଦାନ ଆରମ୍ଭ ହୋଇ ଦିନ ୧ଟା ପର୍ଯ୍ୟନ୍ତ ଚାଲିବ। ବର୍ତ୍ତମାନ ସୁଦ୍ଧା ସମସ୍ତ ବୁଥ ଗୁଡ଼ିକର ଶାନ୍ତି ଶୃଙ୍ଖଳା ସହିତ ମତଦାନ କାର୍ଯ୍ୟ ଚାଲୁଅଛି। ଭୋଟର ମାନେ ଉତ୍ସାହର ସହିତ ଭୋଟ ଦେଉଛନ୍ତି। ଅଞ୍ଚଳର ବିକାଶକୁ ଦୃଷ୍ଟିରେ ରଖି ପ୍ରାର୍ଥୀ ଚୟନ କରିବା ସହ ଲୋକେ ନିଜ ନିଜର ମତଦାନ ସାବ୍ୟସ୍ତ କରୁଛନ୍ତି। ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ