Watch Video: ଟ୍ରାଫିକ ପୋଲିସ ଉପରେ କାର ମଡାଇଦେଲେ ଚାଳକ

ରାଜସ୍ଥାନ: ବୁଧବାର ବିଳମ୍ବିତ ରାତିରେ ଜୟପୁରର ଝୋଟଓ୍ବାର ପୋଲିସ ଷ୍ଟେସନ ପରିସରରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି । କାର ଅବରୋଧ କରୁଥିବା ଦୁଇଜଣ ପୋଲିସଙ୍କୁ ଦ୍ରୁତ ଗତିରେ ଆସୁଥିବା ଏକ କାର ଚାଳକ ଶକ୍ତ ଧକ୍କା ଦେଇଛି । ଏହି ଦୁର୍ଘଟଣା ଏତେ ଜୋର ଥିଲା ଯେ ବ୍ୟାରିକେଡ ଭାଙ୍ଗି ଧକ୍କା ଦେଇଥିଲା କାର ଚାଳକ । ଏହି ଧକ୍କାରେ ଉଭୟ ପୋଲିସ ବହୁ ଦୂରଯାଏଁ ଛିଟିକି ପଡ଼ିଥିଲେ । ଏହି ସମୟରେ ଅବରୋଧ ପଏଣ୍ଟରେ ପୋଷ୍ଟ ହୋଇଥିବା ଅନ୍ୟ ପୋଲିସ କର୍ମଚାରୀ ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ । ତେବେ ଘଟଣା ଘଟାଇଥିବା ଅଭିଯୁକ୍ତ କାର ଡ୍ରାଇଭର ଘଟଣାସ୍ଥଳରୁ ପଳାଇ ଯାଇଥିଲେ। ବ୍ୟୁରୋ ରିପୋର୍ଟ, ଇଟିଭି ଭାରତ