ଫିଲ୍ମ ପ୍ରମୋସନ ସମୟରେ ଅଭିନେତ୍ରୀଙ୍କୁ ଅସଦାଚରଣ

ଥିରୁଅନନ୍ତପୁରମ: ଅଭିନେତ୍ରୀଙ୍କୁ ଅସଦାଚରଣ । ଦୁଇ ମାଲାୟଲମ ଅଭିନେତ୍ରୀ ସେମାନଙ୍କ ଫିଲ୍ମ ପ୍ରମୋସନ ପାଇଁ ଏକ ମଲକୁ ଯାଇଥିଲେ । କେରଳ କୋଝିକୋଡରେ ଥିବା ଏକ ମଲରେ ପ୍ରବଳ ଜମସମାଗମ ହୋଇଥିଲା । ଏହି ସମୟରେ ଅଭିନେତ୍ରୀଙ୍କୁ କେହି ଜଣେ ଅସଦାଚରଣ କରିଥିବା ଦେଖିବାକୁ ମିଳିଥିଲା । ଘଟଣାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା । କୋଝିକୋଡ ଏକ ସୁନ୍ଦର ସ୍ଥାନ କିନ୍ତୁ ସେଠି ଫିଲ୍ମ ପ୍ରମୋସନ କାର୍ଯ୍ୟକ୍ରମରୁ ଫେରିଲା ପରେ ଯାହା ଘଟିଲା ତାହା ନିନ୍ଦନୀୟ । ମୋ ସହ ଏପରି କେବେ ବି ହୋଇନଥିବା ପ୍ରତିକ୍ରିୟାରେ କହିଛନ୍ତି ଅଭିନେତ୍ରୀ । ଗହଳି ଭିତରେ ତାଙ୍କୁ ଅସଦାଚରଣ କରାଯାଇଥିବା କହିଛନ୍ତି ଦୁଇ ଅଭିନେତ୍ରୀ । ଘଟଣାର ତଦନ୍ତ ଆରମ୍ଭ ହୋଇଥିବା ପୋଲିସ ସୂଚନା ଦେଇଛି ।