ତେଲେଙ୍ଗାନାରେ ଓଡ଼ିଶା ବସ ଦୁର୍ଘଟଣାଗ୍ରସ୍ତ, ୫ ଶ୍ରମିକ ମୃତ

ତେଲେଙ୍ଗାନାରେ ଓଡ଼ିଶା ବସ ଦୁର୍ଘଟଣାଗ୍ରସ୍ତ । ଓଡ଼ିଶାରୁ ଆସିଥବା ୫ ଶ୍ରମିକଙ୍କ ମୃତ୍ୟୁ । ଏକାଧିକ ଚିକିତ୍ସାଧୀନ ।

ହାଇଦ୍ରାବାଦ: ଓଡ଼ିଶା ବସ୍ ତେଲେଙ୍ଗାନାରେ ଦୁର୍ଘଟଣାଗ୍ରସ୍ତ । ଫଳରେ ୫ ଓଡ଼ିଆ ଶ୍ରମିକଙ୍କ ମୃ୍ତ୍ୟୁ ହୋଇଛି । ପ୍ରାଥମିକ ସୂଚନା ଅନୁସାରେ, ସୂରିୟାପେଟ୍-ଖମମ ରାଜପଥ ନିକଟରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣାା ।

ବସ ଦୁର୍ଘଟଣାରେ ୫ ଓଡ଼ିଆ ଶ୍ରମିକ ମୃତ:

ଓଡ଼ିଶାରୁ ହାଇଦ୍ରାବାଦ ଆସୁଥିବା ବସ ଦୁର୍ଘଟଣାଗ୍ରସ୍ତ । ଚିଭେନଲା ମଣ୍ଡଳର ଅଇଲାପୁରରେ ବସ୍ ଦୁର୍ଘଟଣା ଘଟିଛି । ଫଳରେ ୫ ଓଡ଼ିଆଙ୍କ ଜୀବନ ଯାଇଛି । ମୃତକଙ୍କ ମଧ୍ୟରେ ଦୁଇ ମହିଳା ଏବଂ ୩ ଜଣ ପୁରୁଷ ରହିଥିବା ଜଣାପଡ଼ିଛି । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ଘରୋଇ ଯାତ୍ରୀବାହୀ ବସ ସହ ଏକ ଟ୍ରକ ଧକ୍କା ହେବାରୁ ବସଟି ଭାରସାମ୍ୟ ହରାଇ ଓଲଟି ପଡିଥିଲା । ପ୍ରବାସୀ ଶ୍ରମିକମାନଙ୍କୁ ଓଡ଼ିଶାରୁ ଆଣି ହାଇଦ୍ରାବାଦ ଆସୁଥିଲା ବସ୍ । ଶ୍ରମିକମାନେ ହାଇଦ୍ରାବାଦର ରହି କାମ କରିବା ପାଇଁ ଆସୁଥିଲେ । ହେଲେ ୫ ଜଣଙ୍କ ଜୀବନ ଦ୍ବୀପ ଲିଭି ଯାଇଛି । ସେମାନଙ୍କ ମଧ୍ୟରେ ରହିଛନ୍ତି ୨ ମହିଳା । ମୃତକମାନେ ଓଡ଼ିଶାର ହୋଇଥିବା ନେଇ ପରିଚୟ ମିଳିଛି । ମୃତଦେହକୁ ସୂରିୟାପେଟ୍ ମେଡିକାଲରେ ଭର୍ତ୍ତି କରାଯାଇଛି । ସେହିପରି ଆହତ ୪ ଜଣଙ୍କୁ ଅଧିକ ଚିକିତ୍ସା ପାଇଁ ହାଇଦ୍ରବାଦ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।

BUS ACCIDENT (ETV Bharat)

ଏହା ବି ପଢନ୍ତୁ...୧୫ ଫୁଟ ତଳକୁ ଖସିଲା ବସ୍, ଅଧାରେ ଅଟକିଲା କାଳୀଜାଇ ଦର୍ଶନ

ନୂଆପଡାରୁ ହାଇଦ୍ରାବାଦ ଆସୁଥିଲା ବସ୍:

ବସଟି ନୂଆପଡା ସିନାପାଲିରୁ ବାହାରିଥିଲା । ଗତକାଲି(ଗୁରୁବାର) ୨ଟା ୩୦ରୁ ବସଟି ସେଠାରୁ ବାହାରି ହାଇଦ୍ରାବାଦ ଅଭିମୁଖେ ଯାତ୍ରା କରିଥିଲା । ସୂରିୟାପେଟ୍-ଖମମ ରାଜପଥ ନିକଟରେ ଏକ ବାଲି ବୋଝେଇ ଟ୍ରକ ସହ ଧକ୍କା ହେବାରୁ ଦୁର୍ଘଟଣାରେ ପ୍ରବାସୀ ଶ୍ରମିକଙ୍କ ଜୀବନ ଯାଇଛି । ତେବେ ଟ୍ରକଟି କୋଭୁରରୁ କୋହିର ଅଭିମୁଖେ ଆସୁଥିବାବେଳେ ଟାୟାର ଫାଟିବାରୁ ଏପରି ଅଘଟଣ ଘଟିଯାଇଥିବା କୁହାଯାଉଛି । ବୀପରିତ ଦିଗରେ ଏହି ଯାତ୍ରୀବାହୀ ବସଟି ଆସୁଥିବାରୁ ବସ୍-ଟ୍ରକ ମଧ୍ୟରେ ଧକ୍କା ହୋଇଥିଲା । ଫଳରେ ୫ ଶ୍ରମିକଙ୍କ ଜୀବନ ଯାଇଥିବାବେଳେ ୪ ଆହତଙ୍କ ଚିକିତ୍ସା ଜାରି ରହିଛି । ବସରେ ମୋଟ କେତେ ଜଣ ଯାତ୍ରୀ ଥିଲେ ସେନେଇ ସ୍ପଷ୍ଟ ସୂଚନା ମିଳିପାରିନାହିଁ ।