ରାଇରଙ୍ଗପୁରରେ ଛାତ୍ରଛାତ୍ରୀଙ୍କ ୩୦୦ ଫୁଟ ଲମ୍ବର ତ୍ରିରଙ୍ଗା ଶୋଭାଯାତ୍ରା

ସ୍ବାଧୀନତାର ୭୫ତମ ବର୍ଷ ପୂର୍ତ୍ତି ଅବସରରେ ଦେଶ ପାଳୁଛି ଅମୃତ ମହୋତ୍ସବ । ଏହି କ୍ରମରେ ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହରର ଅଁଳାଡୁବା ସ୍ଥିତ ବାଦାମିବାଇ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଛି । ସ୍କୁଲର ଶିକ୍ଷକ, ଶିକ୍ଷୟିତ୍ରୀ ଓ ଛାତ୍ରଛାତ୍ରୀମାନେ ୩୦୦ ଫୁଟ ଲମ୍ବର ଏକ ବିଶାଳ ଜାତୀୟ ପତାକା ଧରି ସାହି ପରିକ୍ରମା କରିଛନ୍ତି । ପରିକ୍ରମା ସମୟରେ ଛାତ୍ରଛାତ୍ରୀମାନେ ଲାଠି ଖେଳ ପ୍ରଦର୍ଶନ କରିଥିଲେ । ଲୋକଙ୍କ ହୃଦୟରେ ଜାତୀୟ ପତାକା ପ୍ରତି ସମ୍ମାନ ଏବଂ ସ୍ବାଧୀନତାର ଗୁଣଗାନ କରି ପ୍ରତ୍ୟେକ ଘରେ ତ୍ରିରଙ୍ଗା ଲଗାଇବା ଉଚିତ ବୋଲି କହିଛନ୍ତି ସ୍କୁଲର ପ୍ରଧାନ ଶିକ୍ଷକ । ଇଟିଭି ଭାରତ, ରାଇରଙ୍ଗପୁର