ସୁରଙ୍କ ହାତରେ ରାକ୍ଷୀ ବାନ୍ଧିଲେ ରାନୀ ପଣ୍ଡା, ଉପହାର ଦେଲେ ଭାଇ

ଭୁବନେଶ୍ବର: ଭାଇ ଓ ଭଉଣୀଙ୍କ ଅତୁଟ ବନ୍ଧନର ପର୍ବ ରକ୍ଷାବନ୍ଧନ । ଏଥିପାଇଁ ଗାଁରୁ ସହର ସବୁଠି ଦେଖିବାକୁ ମିଳିଛି ଉତ୍ସବର ମାହୋଲ । ଏହି ଧାରାରେ ସାମିଲ ହୋଇଛନ୍ତି ଅଭିନେତାଙ୍କ ଠାରୁ ଆରମ୍ଭ କରି ରାଜନେତା । ବରିଷ୍ଠ କଂଗ୍ରେସ ନେତା ସୁର ରାଉତରାୟଙ୍କୁ ରାକ୍ଷୀ ବାନ୍ଧିଛନ୍ତି ଚର୍ଚ୍ଚିତ ଯାତ୍ରା ଅଭିନେତ୍ରୀ ରାନୀ ପଣ୍ଡା । ହୁଳହୁଳି, ଚନ୍ଦନଲଗାଇ, ମିଠା ଖୁଆଇ ଭାଇ ସୁର ରାଉତରାୟଙ୍କ ହାତରେ ସ୍ନେହର ଡୋରି ବାନ୍ଧିଲେ ଅଭିନେତ୍ରୀ ରାନୀ ପଣ୍ଡା । ରାନୀ ରାକ୍ଷୀ ବାନ୍ଧିବା ପରେ ସୁର ତାଙ୍କୁ ଆଶୀର୍ବାଦ ଦେବା ସହ ୫୦୦ ଟଙ୍କା ଉପହାର ଦେଇଛନ୍ତି । ସ୍ଥିର ଚିତ୍ତରେ ସବୁ କାମ କର ବୋଲି ଭାଇ ହିସାବରେ ରାନୀଙ୍କ ଶୁଭ କାମନା କରିଛନ୍ତି । ଇଟିଭି ଭାରତ, ଭୁବନେଶ୍ବର