ଟ୍ରେନରେ ଚଢିବା ବେଳେ ଖସି ପଡିଲେ ଯାତ୍ରୀ, ମୃତ୍ୟୁ ମୁହଁରୁ ଟାଣି ଆଣିଲେ RPF ଯବାନ

ରାଞ୍ଚି: ଚଳନ୍ତା ଟ୍ରେନରେ ଚଢିବା ସମୟରେ ଟ୍ରେନରୁ ଖସି ପଡିଲେ ଯାତ୍ରୀ । ଦେବଦୂତ ସାଜି ମୃତ୍ୟୁମୁଖରୁ ଯାତ୍ରୀଙ୍କ ଜୀବନ ବଞ୍ଚାଇଲେ ଆରପିଏଫ ଯବାନ । ଝାଡଖଣ୍ଡ ଜାମସେଦପୁର ଟାଟାନଗର ରେଲୱେ ଷ୍ଟେସନରୁ ଏହି ଘଟଣା ସାମ୍ନାକୁ ଆସିଛି । ଶନିବାର ଟିଟଲାଗଡରୁ ହାୱଡା ଯାଉଥିବା ଇସ୍ପାତ ଏକ୍ସପ୍ରେସ ଟ୍ରେନରେ ଚଢିବାକୁ ସମ୍ପୃକ୍ତ ଯାତ୍ରୀ ଜଣକ ପ୍ରୟାସ କରୁଥିଲେ । ହେଲେ ଭାରସାମ୍ୟ ହରାଇ ହଠାତ୍ ଟ୍ରାକକୁ ଖସିବା ଆରମ୍ଭ କରିଥିଲେ । ଏହି ସମୟରେ ସେଠାରେ ଡ୍ୟୁଟି କରୁଥିବା ଏଏସଆଇ ଏକେ ରଜକ ସିଂହ ଏବଂ ଏସ ସିଂହ ଦୌଡି ଯାଇ ଯାତ୍ରୀଙ୍କୁ ଟାଣି ଆଣିଥିଲେ । ଯାହାଫଳରେ ଆସନ୍ନ ମୃତ୍ୟୁରୁ ଯାତ୍ରୀଙ୍କ ଜୀବନ ବଞ୍ଚି ଯାଇଛି ।