ରାଜକୁମାରୀ ବେଶରେ ଚାଲିଗଲେ ରାଜେଶ୍ୱରୀ: ଝୁରୁଛି କଳାଜଗତ, ଝୁରୁଛନ୍ତି ସିନେପ୍ରେମୀ - ରାଜେଶ୍ବରୀ ରାୟ ମହାପାତ୍ର ଦେହାନ୍ତ

🎬 Watch Now: Feature Video

thumbnail

By

Published : Jul 21, 2022, 5:59 PM IST

ଭୁବନେଶ୍ବର: ଆଉ ନାହାନ୍ତି ଓଡ଼ିଆ ଟେଲି ଅଭିନେତ୍ରୀ ରାଜେଶ୍ବରୀ ରାୟ ମହାପାତ୍ର । ଭୁବନେଶ୍ବରର ଏକ ଘରୋଇ ହସ୍ପିଟାଲ୍‌ରେ ତାଙ୍କର ପରଲୋକ ହୋଇଛି । ଦୀର୍ଘ ଦିନ ଧରି କ୍ୟାନ୍ସରରେ ପୀଡିତ ହୋଇ ଚିକିତ୍ସିତ ହେଉଥିଲେ ରାଜେଶ୍ବରୀ । ଏକାଧିକ ଓଡିଆ ସିରିଏଲ ଓ ଫିଲ୍ମରେ ଅଭିନୟ କରି ପ୍ରଶଂସା ସାଉଁଟିଥିଲେ ସେ । ବିଶେଷ କରି ଖଳନାୟିକା ଭୂମିକାରେ ଲୋକଙ୍କ ମନ ଜିତିଥିଲେ ରାଜେଶ୍ବରୀ । ଧାରାବାହିକ ଉଆଁସି କନ୍ୟାରେ ଅଳକା ଚରିତ୍ରରେ ଅଭିନୟ କରି ଘରେ ଘରେ ବେଶ ପରିଚୟ ହାସଲ କରିଥିଲେ। ହେଲେ ଜୀବନର ପ୍ରତିଟି ସଂଘର୍ଷକୁ ପଛରେ ପକାଇ କର୍କଟ ଭଳି ଦୁଃସାଧ୍ୟ ରୋଗକୁ ଜିତି ଥିବା ସେହି ସାହସୀ ଝିଅ ଆଜି ସମସ୍ତଙ୍କୁ ଛାଡ଼ି ଚାଲିଯାଇଛନ୍ତି । ଏହାକୁ ନେଇ ପରିବାରଠୁ ଆରମ୍ଭ କରି ସଂପର୍କୀୟ ପଡୋଶୀ ଓ ସିନେମା ଜଗତ ସମସ୍ତେ ତାଙ୍କୁ ଆଜି ମନେପକାଇ କାନ୍ଦୁଛନ୍ତି । ଝୁରୁଛନ୍ତି ତାଙ୍କ ଅଭିନୟ ଆଉ ତାଙ୍କ ସ୍ନେହ ବୋଳା ସେହି ମିଠା କଥାକୁ । ଆସନ୍ତୁ ସେଲିବ୍ରିଟିଙ୍କ ମୁହଁରୁ ଶୁଣିବା କ'ଣ କହୁଛନ୍ତି ସେମାନେ । ଇଟିଭି ଭାରତ, ଭୁବନେଶ୍ବର

ABOUT THE AUTHOR

author-img

...view details

ETV Bharat Logo

Copyright © 2025 Ushodaya Enterprises Pvt. Ltd., All Rights Reserved.