ବିନାଭକ୍ତରେ ରଥଟଣା, ନିର୍ଦ୍ଧାରିତ ସମୟ ପୂର୍ବରୁ ଗଡିଲା ତାଳଧ୍ବଜ

ପୁରୀ: ଆଜି ପବିତ୍ର ରଥଯାତ୍ରା । କୋରୋନା କଟକଣା ମଧ୍ୟରେ ଚାଲିଛି ସମସ୍ତ ନିତୀକାନ୍ତି । ନୀତି ମୁତାବକ ଗଜପତି ତିନି ରଥରେ ଛେରାପହଁରା କରିଛନ୍ତି । ଏହାପରେ ଆରମ୍ଭ ହୋଇଛି ମହାପ୍ରଭୁଙ୍କ ରଥଟଣା । ଏ ବର୍ଷ ବିନା ଭକ୍ତରେ ଟଣାଯାଉଛି ରଥ । ପ୍ରଥମେ ବଳଭଦ୍ରଙ୍କ ରଥ ତାଳଧ୍ବଜକୁ ଟାଣିଲେ ସେବାୟତ । କୋଭିଡ କଟକଣା ପାଇଁ କୋଭିଡ ନେଗେଟିଭ ସେବାୟତଙ୍କୁ ମିଳିଛି ରଥଟଣା ଅନୁମତି । ତେବେ ନିର୍ଦ୍ଧାରିତ ସମୟର 3 ଘଣ୍ଟା ପୂର୍ବରୁ ଆରମ୍ଭ ହେଲା ରଥଟଣା । ପ୍ରତୀକ୍ଷାର ଅନ୍ତ ଘଟି ଅତ୍ୟନ୍ତ ଭାବ ବିହ୍ୱଳ ପରିବେଶରେ ପ୍ରଭୁ ବଳଭଦ୍ରଙ୍କ ତାଳଧ୍ବଜ ରଥ ଟଣା ଆରମ୍ଭ ହୋଇଛି ।