ଫୁଲବାଣୀରେ ଶ୍ରୀଜିଉଙ୍କ ରଥଯାତ୍ରା

ଫୁଲବାଣୀ: ବହୁ ଆଡ଼ମ୍ବର ସହିତ ପାଳନ ହୋଇଛି ପବିତ୍ର ରଥଯାତ୍ରା । ତିନି ଠାକୁରଙ୍କୁ ଦର୍ଶନ କରିବା ସହ ରଥ ଟାଣିବା ପାଇଁ ଫୁଲବାଣୀ ସହର ସମେତ ଆଖପାଖ ଅଞ୍ଚଳର ଭକ୍ତ ମାନଙ୍କ ପ୍ରବଳ ଭିଡ଼ ଜମିଥିଲା । ସକାଳ ସମୟରେ ମଙ୍ଗଳ ଆଳତି ସହ ମଇଲମ, ରୋଷ ଘର ହୋମ ପରେ ସୂର୍ଯ୍ୟ ପୂଜା, ଅବକାଶ ଓ ଦ୍ବାରପାଳ ପୂଜା ଅନୁଷ୍ଠିତ ହୋଇଥିଲା । ପରେ ଚତୁର୍ଦ୍ଧା ମୂର୍ତ୍ତୀ ପହଣ୍ଡି ବିଜେ କରିଥିଲେ । ଅତିରିକ୍ତ ଜିଲ୍ଲାପାଳ ବସନ୍ତ ସାହୁ ଛେରାପହଁରା କରିଥିଲେ । ଏହି ଅବସରରେ ଜିଲ୍ଲାପାଳ, ଏସପି, ଉପଜିଲ୍ଲାପାଳ, ପୌରାଧକ୍ଷା, ପୂର୍ବତନ ସଂସଦ ଓ ନିର୍ବାହୀ ଅଧିକାରୀଙ୍କ ସମେତ ବହୁ ବରିଷ୍ଠ ବ୍ୟକ୍ତି ଯୋଗ ଦେଇଥିଲେ । ନଟରାଜ କଳା ମନ୍ଦିରର କଳାକାରମାନେ ରଥ ସମ୍ମୁଖରେ ସୁନ୍ଦର ନୃତ୍ୟ ପରିବେଷଣ କରିଥିଲେ ।