ଅଳଙ୍କାର ଦୋକାନରେ ଅଜଗର, ଦେଖନ୍ତୁ ଭିଡିଓ

ଥିରୁଅନନ୍ତପୁରମ: କୋରୋନା ଭାଇରସର ଲକଡାଉନ କେରଳରେ ବିଭିନ୍ନ ଦୋକାନ ବଜାର ଏକ ମାସରୁ ଅଧିକ ସମୟ ଧରି ବନ୍ଦ ରହିଥିଲା ବେଳେ କେରଳର କନ୍ନୁର ଜିଲ୍ଲାର ପାୟାନୁର ଏକ ଅଳଙ୍କାର ଦୋକାନରୁ ଏକ ବିରାଟ ଅଜଗର ସାପ ଉଦ୍ଧାର କରାଯାଇଛି । ପ୍ରାୟ ଦୀର୍ଘଦିନ ବନ୍ଦ ରହିବା ପରେ ଦୋକାନ ଖୋଲି ସଫା କରିବା ବେଳେ 3 ମିଟର ଲମ୍ବା ଓ ପ୍ରାୟ 24 କିଲୋଗ୍ରାମର ଓଜନ ବିଶିଷ୍ଟ ଅଜଗର ଉଦ୍ଧାର କରିଛନ୍ତି ।ଏହା ସହ ସେଠାରୁ ସାପ ଅଣ୍ଡା ମଧ୍ୟ ଉଦ୍ଧାର କରାଯାଇଛି । ଜଙ୍ଗଲବିଭାଗ ଅଧିକାରୀ ସାପଟିକୁ ଧରି ଏକ ଅଭୟାରଣ୍ୟକୁ ସ୍ଥାନାନ୍ତର କରିଛନ୍ତି । ବ୍ୟୁରୋ ରିପୋର୍ଟ, ଇଟିଭି ଭାରତ