ଅଶ୍ରୁଳ ଆଖିରେ ମହାବାହୁଙ୍କୁ ପ୍ରାର୍ଥନା, ବିଶ୍ଵରୁ କୋରୋନାକୁ ବିଲୋପ କର

ପୁରୀ:କରୋନା ଭୁତାଣୁ ବିଶ୍ୱରେ ମହାମାରୀର ରୂପ ନେଇ ଲକ୍ଷ ଲକ୍ଷ ଲୋକଙ୍କ ଜୀବନ ନେଲାଣି । ଏହା କ୍ରମଶଃ ଆମ ଦେଶ ଓ ରାଜ୍ୟରେ କାୟା ମଧ୍ୟ ବିସ୍ତାର କରିବାକୁ ଲାଗିଲାଣି।ଏହି ସମୟରେ ମହାପ୍ରଭୁଙ୍କ ରଥଯାତ୍ରା ଅନୁଷ୍ଠିତ ହେବା ନେଇ ବହୁ ବାଦ ବିବାଦ ଲାଗିଥିଲା।ପରେ ସୁପ୍ରିମକୋର୍ଟର ନିର୍ଦ୍ଦେଶ ପରେ କଟକଣା ମଧ୍ୟରେ ବିନା ଭକ୍ତଙ୍କ ଦ୍ଵାରା ମଙ୍ଗଳବାର ରଥଯାତ୍ରା ଅନୁଷ୍ଠିତ ହୋଇଛି। ତେବେ ଏହି ଅବସରରେ ଏପରି ଭାବପୂର୍ଣ ରୂପ ଦେଖିବାକୁ ମିଳିଛି। ପ୍ରତିବର୍ଷ ନିଜ ଘର ଦୁଆର ମୁହଁରୁ ବାହାରି ବଡ଼ ଦାଣ୍ଡରେ ମହାପ୍ରଭୁଙ୍କ ରଥ ଦୌଡ଼ି ଭିଡି ନେଉଥିବା ସ୍ଥାନୀୟ ବାସିନ୍ଦାମାନେ ଏବର୍ଷ ସେ ସୁଯୋଗ ରୁ ବଞ୍ଚିତ ହୋଇଛନ୍ତି । କରୋନା କଟକଣା ପାଇଁ ସେମାନେ ଏହା ଗ୍ରହଣ କରିଥିଲେ ମଧ୍ୟ ଭାବ ଛଳ ଛଳ ଆଖିରେ ପ୍ରଭୁଙ୍କ ଠାରେ କରୋନା ବିପତ୍ତି ହଟାଇବା ପାଇଁ ନିବେଦନ କରିଛନ୍ତି । ପୁଣି ଆର ବର୍ଷ କୁ ଯେପରି କୋଳାହଳ ଭିତରେ କାଳିଆ ସାନ୍ତକୁ ଦେଖିବେ ଓ ତା ରଥ ଟାଣିବେ ସେ ନେଇ ପାର୍ଥନା କରିଛନ୍ତି ।ପୁରୀରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ