ଓ୍ବେଷ୍ଟ ମିନିଷ୍ଟିର ହଲରେ ରାଷ୍ଟ୍ରପତି, ଏଲିଜାବେଥଙ୍କୁ ଦେଲେ ଶ୍ରଦ୍ଧାଞ୍ଜଳି

ବ୍ରିଟେନ ମହାରାଣୀ ଏଲିଜାବେଥ-ଦ୍ବିତୀୟଙ୍କ ଅନ୍ତ୍ୟେଷ୍ଟି କ୍ରିୟାରେ ସାମିଲ ହେବା ପାଇଁ ଲଣ୍ଡନ ଗସ୍ତ କରିଥିବା ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ଏଲିଜାବେଥଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଓ୍ବେଷ୍ଟ ମିନିଷ୍ଟିର ହଲରେ ଏଲିଜାବେଥଙ୍କ ମରଶରୀର ରଖାଯାଇଥିବା ବେଳେ ରାଷ୍ଟ୍ରପତି ସେଠାରେ ଶ୍ରଦ୍ଧାଞ୍ଜଳି ଜଣାଇବା ସହ ଶୋକବାର୍ତ୍ତା ମଧ୍ୟ ଲେଖିଛନ୍ତି । ରାଷ୍ଟ୍ରପତିଙ୍କ ସହ ଭାରତୀୟ ଦୂତାବାସର ଅଧିକାରୀ ମଧ୍ୟ ଉପସ୍ଥିତ ଥିଲେ । ଆସନ୍ତାକାଲି ଏଲିଜାବେଥଙ୍କ ଶେଷକୃତ୍ୟ ସମ୍ପନ୍ନ ହେବ । ଏହି ଅନ୍ତ୍ୟେଷ୍ଟି କ୍ରିୟାରେ ମଧ୍ୟ ରାଷ୍ଟ୍ରପତି ମୁର୍ମୁ ସାମିଲ ହେବେ । ଆମେରିକା ରାଷ୍ଟ୍ରପତି ବାଇଡେନଙ୍କ ସମେତ ବିଶ୍ବରୁ ଅନ୍ୟ ପ୍ରମୁଖ ନେତାମାନେ ମଧ୍ୟ ଲଣ୍ଡନ ପହଞ୍ଚିବାରେ ଲାଗିଛନ୍ତି । ଦେଖନ୍ତୁ ଭିଡିଓ