ଲଗାଣ ବର୍ଷାରେ ବେହାଲ ହିମାଚଳ, ଜେସିବିରେ ରାସ୍ତାପାର ହେଲେ ଲୋକେ

ଶିମଲା: ହିମାଚଳ ପ୍ରଦେଶରେ କିଛି ଦିନ ହେବ ଲାଗି ରହିଛି ବର୍ଷା । ଫଳରେ ରାଜ୍ୟର କେତେକ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଏପରିକି କେତେକ ସ୍ଥାନରେ ଭୂସ୍ଖଳନ ମଧ୍ୟ ଘଟୁଛି । ସିରାଜରେ ଜେସିବି ସାହାଯ୍ୟରେ ଲୋକେ ରାସ୍ତା ପାର ହେଉଥିବା ଦେଖିବାକୁ ମିଳିଛି । ଲଗାଣ ବର୍ଷା ଯୋଗୁଁ ରାସ୍ତାରେ ଆବର୍ଜନା ପାଣି ପ୍ରବଳ ମାତ୍ରାରେ ପ୍ରବାହିତ ହୋଇଥିଲା । ତେଣୁ ଜେସିବି ଆଗରେ ଲାଗିଥିବା ମେସିନରେ ଠିଆହୋଇ ଲୋକେ ରାସ୍ତାପାର ହୋଇଛନ୍ତି । ବ୍ୟୁରୋ ରିପୋର୍ଟ, ଇଟିଭି ଭାରତ