ରାଜୁଆ ନଦୀରେ 300 ଫୁଟର ଘାଇ, ଆତଙ୍କିତ ଲୋକେ

ଖୋର୍ଦ୍ଧା: ରାଜ୍ୟରେ ଏବେ ବନ୍ୟାସ୍ଥିତି । ଯୁଆଡେ ଚାହିଁବ ସିଆଡେ ପାଣି । ରାଜୁଆ ନଦୀରେ 300 ଫୁଟର ଘାଇ ସୃଷ୍ଟି ହୋଇଛି । ଜଟଣୀ ବ୍ଲକ ତିରିମଲ ହଲଦିଆପଡା ମଧ୍ୟରେ 300 ଫୁଟର ଘାଇ ହୋଇଛି । ଘାଇ ଦେଇ ପ୍ରବଳ ବେଗରେ ବନ୍ୟା ଜଳ ପ୍ରବାହିତ ହେଉଛି । ପ୍ରଭାବରେ ଖୋର୍ଦ୍ଧା ବ୍ଲକର ଅଣ୍ଡା,ଅଁଳାଯୋଡି, ଧବଳପୁର, ଶରଧାପୁର ଭଳି 10ରୁ ଉର୍ଦ୍ଧ୍ବ ଗାଁ ପ୍ରଭାବିତ ହେବା ଆଶଙ୍କା ରହିଛି । ଘଟଣାସ୍ଥଳରେ ଖୋର୍ଦ୍ଧା ଜିଲ୍ଲାପାଳଙ୍କ ସହ ବହୁ ବରିଷ୍ଠ ଅଧିକାରୀମାନେ ମଧ୍ୟ ରାତିରେ ଘାଇ ପାଖରେ ପହଞ୍ଚି ସ୍ଥିତି ପରଖିଥିଲେ । ନଦୀ ବନ୍ଧ ଦୁର୍ବଳ ଥିବାରୁ ଲୋକେ ବାଲିବସ୍ତା ପକାଇ ଜଗି ରହିଛନ୍ତି । ଇଟିଭି ଭାରତ, ଖୋର୍ଦ୍ଧା