ପୁଷ୍ପା ପୋଜ ଦେଇ ଚର୍ଚ୍ଚାରେ ନେପାଳ ମହିଳା କ୍ରିକେଟର

ହାଇଦ୍ରାବାଦ: ଦେଶଠୁ ବିଦେଶ, ମନୋରଞ୍ଜନ ଠୁ କ୍ରୀଡା ଜଗତ ସବୁଠି ଛାଇ ଯାଇଛି ଚଳଚ୍ଚିତ୍ର ପୁଷ୍ପାର କ୍ରେଜ । ସିନେମାର ଗୀତଠୁ ଆରମ୍ଭ କରି ଡାଇଲଗ୍ ଏବଂ ବିଭିନ୍ନ ଡାନ୍ସ ପୋଜ୍ ସୋସିଆଲ ମିଡିଆରେ ଭାଇରାଲ ହୋଇଥିଲା । ଭାରତୀୟ କ୍ରିକେଟର ରବିନ୍ଦ୍ର ଜାଡେଜା ଏବଂ ଅଷ୍ଟ୍ରେଲିଆ କ୍ରିକେଟର ଡେଭିଡ ୱାର୍ଣ୍ଣର ପୂର୍ବରୁ ପୁଷ୍ପା ପୋଜ୍ ଦେଇ ଚର୍ଚ୍ଚାରେ ଥିବାବେଳେ ବର୍ତ୍ତମାନ ଜଣେ ମହିଳା ବୋଲର ଚର୍ଚ୍ଚାରେ ଅଛନ୍ତି । ନେପାଳର ମହିଳା କ୍ରିକେଟର ସୀତା ରଣା ମଗରଙ୍କ ପୁଷ୍ପା ପୋଜ ଏବେ ଭାଇରାଲ ହେବାରେ ଲାଗିଛି । ଷ୍ଟାଡିୟମରେ ସୀତା ରଣାଙ୍କ ଏକ ଭିଡିଓ ସେୟାର କରିଛି ICC ।