Azadi Ka Amrit Mahotsav, ପାରାଦୀପରେ ତ୍ରିରଙ୍ଗା ଶୋଭାଯାତ୍ରା

ସ୍ବାଧୀନତାର ୭୫ ବର୍ଷ ପୂର୍ତ୍ତି ଅବସରରେ ଆଜାଦି କି ଅମୃତ ମହୋତ୍ସବ ପାଳନ କରୁଛି ସାରା ଦେଶ । ଏହି ଅବସରରେ ପାରାଦୀପ କଲେଜ ଛାତ୍ରଛାତ୍ରୀମାନଙ୍କ ଦ୍ବାରା ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଛି । ସ୍ବାଧୀନତା ସଂଗ୍ରାମରେ ବଳିଦାନ ଦେଇଥିବା ବୀର ପୁରୁଷମାନଙ୍କ ସ୍ମୃତିକୁ ଉଜ୍ଜୀବିତ ରଖିବା ଏବଂ ଆଗାମୀ ପିଢ଼ି ଦେଶ ସ୍ବାଧୀନତା ବିଷୟରେ କିପରି ଅବଗତ ହୋଇପାରିବେ ଏହାକୁ ନେଇ ଦେଶବ୍ୟାପୀ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେଉଛି l ଏହିକ୍ରମରେ ଆଜାଦି କା ଅମୃତ ମହୋତ୍ସବରେ ସାମିଲ ହୋଇଛନ୍ତି ପାରାଦୀପ କଲେଜର ନାଭାଲ ୱିଙ୍ଗ୍‌ ଓ ଏନସିସି କ୍ୟାଡେଟ ଛାତ୍ରଛାତ୍ରୀ l ଛାତ୍ରଛାତ୍ରୀମାନେ ହାତରେ ତ୍ରିରଙ୍ଗା ଧରି ଦେଶ ପାଇଁ ସହିଦ ହୋଇଥିବା ବୀର ପୁରୁଷମାନଙ୍କୁ ମନେପକାଇଛନ୍ତି । ଏଥିସହ ସ୍ଲୋଗାନ ଦେଇ ତ୍ରିରଙ୍ଗା ଶୋଭାଯାତ୍ରାରେ ସହର ପରିକ୍ରମା କରିଛନ୍ତି l