ନନ୍ଦୋତ୍ସବରେ ଉତ୍ସବମୁଖର ପୁରପଲ୍ଲୀ

ଖୋର୍ଦ୍ଧା: ପବିତ୍ର ଜନ୍ମାଷ୍ଟମୀ ପରେ ଆଜି ହେଉଛି ନନ୍ଦୋତ୍ସବ । ପ୍ରତିବର୍ଷ ଭଳି ବୋଲଗଡ ବ୍ଲକ ଅନ୍ତର୍ଗତ ବ୍ରହ୍ମପୁରା ଗ୍ରାମରେ ଛୋଟ ଛୋଟ ପିଲାମାନେ କୃଷ୍ଣ, ବଳରାମ, ରାଧା, ନନ୍ଦ ରାଜା, ଗୋପାଳ ଓ ଗୋପାଳୁଣି ଆଦି ବେଶ ହୋଇ ଏହି ଉତ୍ସବକୁ ପାଳନ କରିଛନ୍ତି । ପ୍ରତି ଘରର ଦ୍ବାରରେ କଳସ ବସାଯାଇଥିବା ବେଳେ କୃଷ୍ଣ ବେଶରେ ସଜ୍ଜିତ ଶିଶୁଙ୍କୁ ଘରର ମହିଳା ମାନେ ଦୁବ, ବରକୋଳି ପତ୍ର ଓ ଫୁଲ ଦେଇ ବନ୍ଦାପନା କରୁଥିବା ଦୃଶ୍ୟ ଦେଖିବାକୁ ମିଳିଥିଲା । ଆମ ସଂସ୍କୃତି ଓ ପରମ୍ପରା ହଜି ଯାଉଥିବା ବେଳେ ବ୍ରହ୍ମପୁରା ଗ୍ରାମବାସୀଙ୍କ ଏଭଳି ପଦକ୍ଷେପ ନିଶ୍ଚିତ ଭାବରେ ସ୍ବାଗତଯୋଗ୍ୟ । ଇଟିଭି ଭାରତ, ଖୋର୍ଦ୍ଧା