ଜଗନ୍ନାଥଙ୍କୁ ଶିମିଳି ଗଛ ଦାନ କରି ଚର୍ଚ୍ଚାରେ ଶାହାଜୁଦ୍ଦିନ ଖାନ

ଖୋର୍ଦ୍ଧା: ପୁଣି ଚର୍ଚ୍ଚାରେ ଆଉଜଣେ ମୁସଲମାନ ଜଗନ୍ନାଥ ଭକ୍ତ । ଖୋର୍ଦ୍ଧା ଜିଲ୍ଲା ନିରାକାରପୁର ନିକଟ ଖଜୁରିପଡା ଗ୍ରାମର ଶାହାଜୁଦ୍ଦିନ ଖାନ ନିଜ ବାଡିରେ ଥିବା 50 ବର୍ଷ ପୂରାତନ ଶିମିଳି ଗଛକୁ ଜଗନ୍ନାଥଙ୍କୁ ଦାନ କରିଛନ୍ତି । ଏହି ଅବସରରେ ଶାହାଜୁଦ୍ଦିନ କହିଛନ୍ତି, ‘‘ଶ୍ରୀଜଗନ୍ନାଥ ଆମର ଦେବତା । ଏହି ରାଜ୍ୟର ପାଣିପବନ ସବୁ ତାଙ୍କର । ଆମେ ଜଗନ୍ନାଥ ଦେଶର ଲୋକ । ଆମର ଯାହା କିଛି ଅଛି, ସବୁ ସେଇ ପ୍ରଭୁ ଜଗନ୍ନାଥଙ୍କର । ସେହିପରି ଆମେ ବାହାରକୁ ଗଲେ ଜାତି ଧର୍ମ ନିର୍ବିଶେଷରେ ଆମକୁ ଜଗନ୍ନାଥଙ୍କ ଦେଶର ଲୋକ ବୋଲି ଜାଣୁଛନ୍ତି । ଏଣୁ, ଜଗନ୍ନାଥଙ୍କ ପାଇଁ ଗଛ କ’ଣ, ଆବଶ୍ୟକ ପଡ଼ିଲେ ନିଜର ରକ୍ତ ଦେବାକୁ ମଧ୍ୟ ପ୍ରସ୍ତୁତ ବୋଲି କହିଛନ୍ତି । ସେହିପରି ମହାପ୍ରଭୁଙ୍କ ସେବାରେ ତାଙ୍କ ବାଡ଼ିର ଗଛ ଲାଗିଥିବାରୁ ନିଜକୁ ଧନ୍ୟ ମନେ କରିଛନ୍ତି ସେ ।’’ ଇଟିଭି ଭାରତ, ଖୋର୍ଦ୍ଧା