Matric Exam: ପ୍ରଥମ ଦିନରେ ଶୃଙ୍ଖଳିତ ଭାବେ ପରୀକ୍ଷା ଦେଲେ ଖୋର୍ଦ୍ଧା ଜିଲ୍ଲାର ୨୭,୫୫୫ ଜଣ ଛାତ୍ରଛାତ୍ରୀ

ଖୋର୍ଦ୍ଧା: ଆଜିଠାରୁ ରାଜ୍ୟରେ ଆରମ୍ଭ ହୋଇଛି ମାଟ୍ରିକ ସମେଟିଭ-୨ ପରୀକ୍ଷା । ଖୋର୍ଦ୍ଧା ଜିଲ୍ଲାରେ ୧୩୬ଟି କେନ୍ଦ୍ରରେ ସମୁଦାୟ ୨୭ ହଜାର ୫୫୫ଜଣ ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି । ଜିଲ୍ଲାରେ ମୋଟ ୧୨ଟି ନୋଡାଲ ସେଣ୍ଟର କରାଯାଇଛି । ସେହିଭଳି କପି ରୋକିବା ପାଇଁ ବୋର୍ଡ ପକ୍ଷରୁ ତିନୋଟି ସ୍କ୍ବାର୍ଡ ଗଠନ ହୋଇଛି । ପ୍ରତି ବ୍ଲକ ଶିକ୍ଷା ଅଧିକାରୀ, ବିଡ଼ିଓ ଓ ତହସିଲଦାରଙ୍କୁ ପରିଚାଳନା ଦାୟିତ୍ବ ଦିଆଯାଇଥିବା ଶିକ୍ଷା ଅଧିକାରୀ ସୂଚନା ଦେଇଛନ୍ତି । ଆଜି ପ୍ରଥମ ଦିନରେ ଶୃଙ୍ଖଳିତ ଭାବେ ପରୀକ୍ଷା ପରିଚାଳନା ହୋଇଥିବା ଜଣାପଡ଼ିଛି । ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ