ରାସ୍ତାରେ ଯୁବତୀଙ୍କୁ ଚାପୁଡା ମାରି ଯୁବକ ଗିରଫ

ଥିରୁଅନନ୍ତପୁରମ: କେରଳ ମଲପ୍ପୁରମ ଜିଲ୍ଲାରେ ରାସ୍ତା ମଝିରେ ଯୁବତୀଙ୍କୁ ଚାପୁଡା ମାରିଲେ ଯୁବକ । ଏହି ଭିଡ଼ିଓଟି ଭାଇରାଲ ହେବା ପରେ ଯୁବକଙ୍କୁ ଗିରଫ କରିଛି ପୋଲିସ । ଉକ୍ତ ଯୁବକଙ୍କ ବିରୋଧରେ IPC ଧାରା ୩୨୩ ଓ ୩୪୧ ଅନୁଯାୟୀ ମାମଲା ରୁଜୁ କରାଯାଇଛି । ଯୁବତୀଙ୍କ ଅଭିଯୋଗ ଅନୁସାରେ ଗତ ଏପ୍ରିଲ ୧୬ ତାରିଖରେ କାରରେ ବସିଥିବା ଯୁବକ ଜଣକ ବିପଦପୂର୍ଣ୍ଣ ଭାବେ ଗାଡି ଚଳାଉଥିଲେ । ଦୁଇ ଚକିଆ ଯାନରେ ଥିବା ମହିଳା ଜଣକ ଏପରି ନ କରିବାକୁ ଯୁବକଙ୍କୁ ବାରଣ କରିଥିଲେ । ଏହାପରେ ଯୁବକ ଜଣକ କିଛି ବାଟ ଗଲା ପରେ ହଠାତ୍‌ ଯୁବତୀଙ୍କୁ ରାସ୍ତାର ଅଟକାଇ ଚାପୁଡା ମାରିଥିଲେ । ଏହି ସମୟର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ପୋଲିସ ଯୁବକ ଜଣଙ୍କୁ ଗିରଫ କରିଛି । PTI