ଯବାନଙ୍କ ସହ ଗୀତ ଗୁଣୁ ଗୁଣେଇଲେ ପ୍ରତିରକ୍ଷାମନ୍ତ୍ରୀ

ଗୌହ୍ବାଟି: ଯବାନଙ୍କ ସହ ଗୀତ ଗୁଣୁ ଗୁଣେଇଲେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ । ବୁଧବାର ଆସାମ ଗସ୍ତ କରିଥିଲେ ପ୍ରତିରକ୍ଷାମନ୍ତ୍ରୀ । ଏହି ଅବସରରେ ସେ ଡିନଜନ ମିଲିଟାରୀ ଷ୍ଟେସନରେ ପହଞ୍ଚିବା ସହ ଯବାନଙ୍କ ସହ ଆଲୋଚନା କରିଥିଲେ । କ୍ୟାମ୍ପ୍‌ରେ ପ୍ରତିରକ୍ଷାମନ୍ତ୍ରୀଙ୍କ ସହିତ ସ୍ଥଳସେନା ମୁଖ୍ୟ ମନୋଜ ପାଣ୍ଡେ ମଧ୍ୟ ଉପସ୍ଥିତ ରହିଥିଲେ । ଏହି ସମୟରେ ଯବାନମାନେ 'ସନ୍ଦେଶେ ଆତେ ହୈଁ' ଗୀତ ଗାଇଥିଲେ । ଯବାନଙ୍କ ସ୍ବରରେ ଗୁଣୁ ଗୁଣୁ ହୋଇ ଗୀତ ଗାଇଥିଲେ ପ୍ରତିରକ୍ଷାମନ୍ତ୍ରୀ ।