Watch Video: ପ୍ରଧାନମନ୍ତ୍ରୀଙ୍କୁ ଶିବ ତାଣ୍ଡବ ସ୍ତୋତ୍ର ଶୁଣାଇଲେ ଛାତ୍ରଛାତ୍ରୀ

ବାରଣାସୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Prime Minister Narendra Modi) ଆଜି(୭ ଜୁଲାଇ) ରେ ନିଜ ସଂସଦୀୟ କ୍ଷେତ୍ର ବାରଣାସୀ(Varanasi) ଗସ୍ତ କରିଥିଲେ । ଅପରାହ୍ନ ୨ ଟାରେ ପ୍ରଧାନମନ୍ତ୍ରୀ ବାରଣାସୀର ଏଲଟି କଲେଜରେ ଅକ୍ଷୟ ପାତ୍ର ମଧ୍ୟାହ୍ନ ଭୋଜନ ରୋଷେଇ(Akshay Patra Mid Day Meal Kitchen)ର ଉଦଘାଟନ କରିଛନ୍ତି । ଯେଉଁଥିରେ ପ୍ରାୟ ଏକ ଲକ୍ଷ ଛାତ୍ରଛାତ୍ରୀଙ୍କ ପାଇଁ ମଧ୍ୟାହ୍ନ ଭୋଜନ ରୋଷେଇ ହେବାର କ୍ଷମତା ରହିଛି । ଏହି ଅବସରରେ ପ୍ରଧାନମନ୍ତ୍ରୀ ସ୍ଥାନୀୟ ସରକାରୀ ବିଦ୍ୟାଳୟର ଛାତ୍ରଛାତ୍ରୀଙ୍କୁ ସାକ୍ଷାତ କରି କିଛି ସମୟ ବିତାଇଥିଲେ। ଏହି ଅବସରରେ ପ୍ରଧାନମନ୍ତ୍ରୀଙ୍କୁ ଛାତ୍ରଛାତ୍ରୀ ଶିବ ତାଣ୍ଡବ ସ୍ତୋତ୍ର ସହ ଦୁର୍ଗା ବନ୍ଦନା ଗାଇ ଶୁଣାଇଥିଲେ । ଏହାସହ ବିଭିନ୍ନ କଳା ପ୍ରଦର୍ଶନ କରିଦେଖାଇଥିଲେ । ଯାହାକୁ ଦେଖି ପ୍ରଧାନମନ୍ତ୍ରୀ ମଧ୍ୟ ଆଚମ୍ବିତ ହୋଇଯାଇଛନ୍ତି । ଦେଖନ୍ତୁ ଭିଡିଓ...