ବାହାରିନରେ ବିଘ୍ନ ବିନାଶକଙ୍କ ପୂଜା ଆଡମ୍ବରରେ ପାଳିତ

ଭୁବନେଶ୍ବର: ବାହାରିନରେ ପାଳନ ହୋଇଛି ବିଘ୍ନ ବିନାଶକଙ୍କ ପୂଜା(Ganesh Puja celebrated in Bahrain) । ଗଣେଶ ଚତୁର୍ଥୀକୁ ମହା ଆଡମ୍ବରରେ ପାଳନ କରିଛନ୍ତି ବାହାରିନ୍‌ର ଓଡ଼ିଆ ସମାଜ । ବାହାରିନରେ ଓଡ଼ିଆ ସମାଜ ପ୍ରତିଷ୍ଠାତା ଡକ୍ଟର ଅରୁଣ ପ୍ରହରାଜଙ୍କ ବାସଭବନରେ ଅଗ୍ରପୂଜ୍ୟଙ୍କ ପୂଜାର୍ଚ୍ଚନା କରାଯାଇଛି । ଅଗ୍ରପୂଜ୍ୟ ବିଘ୍ନ ବିନାଶକ ଗଣେଶଙ୍କର ଚତୁର୍ଥୀ ଅବସରରେ ହୋଇଛି ଧରାବତରଣ । ଯାହାକୁ ନେଇ ଏବେ ଚଳଚଞ୍ଚଳ ସାରା ଦେଶ । ବିଦେଶରେ ବସବାସ କରୁଥିବା ମଧ୍ୟ ଓଡ଼ିଆ ମାନେ ବିଘ୍ନେଶ୍ବରଙ୍କ ପୂଜା ଧୁମଧାମରେ ପାଳନ କରୁଛନ୍ତି । ଲଗାତାର ଦୁଇ ବର୍ଷ ଧରି କୋଭିଡ କଟକଣା ପରେ ଚଳିତ ବର୍ଷ ବାହାରିନରେ ପୂଜା ପାଉଛନ୍ତି ପ୍ରଭୁ ଗଜାନନ । ବାହାରିନ ଓଡ଼ିଆ ସମାଜର ପ୍ରତିଷ୍ଠାତା ଅରୁଣ ପ୍ରହରାଜଙ୍କ ଘରେ ପୂଜା ପାଉଛନ୍ତି ପାର୍ବତୀ ନନ୍ଦନ । ଗଣେଶ ଚତୁର୍ଥୀ ଅବସରରେ ଚଳଚଞ୍ଚଳ ହୋଇଛି ଅରୁଣଙ୍କ ବାସଭବନ । ସମସ୍ତ ଓଡ଼ିଆ ଏକାଠି ହୋଇ ରୀତିନୀତି ଅନୁଯାୟୀ ଆଜି ପୂଜାର୍ଚ୍ଚନା କରିଛନ୍ତି । ବାହାରିନରେ ଗଣେଶ ପୂଜା ଭକ୍ତ ତଥା ଦର୍ଶକଙ୍କ ମଧ୍ୟରେ ଖୁସିର ମାହୋଲ ପରିଲକ୍ଷିତ ହୋଇଛି ।