ଲିଫ୍ଟରେ ବାଳକଙ୍କୁ ଆକ୍ରମଣ କଲା ଏକ ପୋଷା କୁକୁର, ସହାଯ୍ୟ ନକରି ଚାଲିଗଲେ କୁକୁରର ମାଲିକାଣି

ଲକ୍ଷ୍ନୌ: ଲିଫ୍ଟରେ ବାଳକଙ୍କୁ ଆକ୍ରମଣ କଲା ଏକ ପୋଷା କୁକୁର । କିନ୍ତୁ କୁକୁରକୁ ସାଙ୍ଗରେ ଧରି ଲିଫ୍ଟରେ ଯାଉଥିବା ମହିଳାଙ୍କ ସମ୍ବେଦନହୀନ ଆଚରଣ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କୁକୁର କାମୁଡାରେ ଭୟଭୀତ ହୋଇ ଯନ୍ତ୍ରଣାରେ ବାଳକଟି କାନ୍ଦୁଥିବା ବେଳେ କୁକୁର ପୋଷିଥିବା ମହିଳାଜଣଙ୍କ ବାଳକଟି ପ୍ରତି ସାହାଯ୍ୟର ହାତ ବଢାଇବା ତ ଦୂରର କଥା, କୌଣସି ଆଶ୍ବସନା ମଧ୍ୟ ଦେଲେନାହିଁ । ଲିଫ୍ଟର ଗେଟ ଖୋଲିବା ପରେ ମହିଳାଜଣଙ୍କ ଅତି ଚତୁରତାର ସହ ଚୁପଚାପ କୁକୁରକୁ ନେଇ ଘଟଣାସ୍ଥଳରୁ ଚାଲି ଯାଇଥିଲେ । ହେଲେ ଲିଫ୍ଟରେ ଲାଗିଥିବା ସିସିଟିଭିରେ ଏହି ସମସ୍ତ ଦୃଶ୍ୟ କଏଦ ହୋଇଛି । ମହିଳାଙ୍କ ଆକ୍ରମଣର ଶିକାର ହୋଇଥିବା ବାଳକର ଅଭିଭାବକ ଏସମ୍ପର୍କରେ ପଚାରିବାରୁ ଉଭୟଙ୍କ ମଧ୍ୟରେ ଯୁକ୍ତିତର୍କ ମଧ୍ୟ ହୋଇଥିଲା । ମାମଲା ଥାନାରେ ପହଞ୍ଚିବା ପରେ ପୋଲିସ ଉକ୍ତ ମହିଳାଙ୍କୁ ଖୋଜୁଛି । ଦେଖନ୍ତୁ କିପରି ଆକ୍ରମଣର ଶିକାର ହୋଇଥିଲା ବାଳକ ଜଣଙ୍କ ।