ଇସ୍କନରେ ଦେବସ୍ନାନ ପୂର୍ଣ୍ଣିମା, ହରିବୋଲର ଧ୍ୱନୀରେ ମନ୍ଦିର ପ୍ରକମ୍ପିତ

ଭୁବନେଶ୍ବର: ଦୁଇବର୍ଷର ଅନ୍ତରାଳ ପରେ ଭକ୍ତ ଓ ଭଗବାନଙ୍କ ମିଳନ ହୋଇଛି । ସ୍ନାନ ମଣ୍ଡପରେ ମହାପ୍ରଭୁଙ୍କ ବିଗ୍ରହକୁ ଦର୍ଶନ କରୁଛନ୍ତି ଶ୍ରଦ୍ଧାଳୁ । ଇସ୍କନ ମନ୍ଦିରରେ ମଧ୍ୟ ପୂର୍ଣ୍ଣ ନୀତିକାନ୍ତି ସହ ଦେବସ୍ନାନ ପୂର୍ଣ୍ଣିମା ପାଳିତ ହୋଇଛି । ମହାପ୍ରଭୁ ଦର୍ଶନଙ୍କ ଦର୍ଶନ କରି ପରମାନନ୍ଦ ଲାଭ କରିଛନ୍ତି ଶ୍ରଦ୍ଧାଳୁ । ଭକ୍ତ ଓ ଭଗବାନଙ୍କ ଏହି ଅପୂର୍ବ ମିଳନ ସମୟରେ ଘଣ୍ଟଘଣ୍ଟି, ସଂକୀର୍ତ୍ତନ ହୁଳହୁଳି ଶଙ୍ଖ ହରିବୋଲର ଧ୍ବନୀରେ ପ୍ରକମ୍ପିତ ହେଉଛି ଇସ୍କନ ମନ୍ଦିର । ୧୦୮ ଗରା ସୁବାସିତ ଜଳରେ ସ୍ନାନ କରିଛନ୍ତି ଶ୍ରୀଜିଉ । ଏଥିପାଇଁ ଭୋର ୪ ଟାରୁ ଆରମ୍ଭ ହୋଇଥିଲା ସ୍ବତନ୍ତ୍ର ନୀତିକାନ୍ତି । ସନ୍ଧ୍ୟା 6ଟା ବେଳେ ସାହାଣ ମେଲା ଓ ରାତି ୧୦ଟାରୁ ଅନୁଷ୍ଠିତ ହେବ ବାହୁଡ଼ା ପହଣ୍ଡି । ଇଟିଭି ଭାରତ, ଭୁବନେଶ୍ୱର