Watch Video: ଭୀମ ସେନା ମୁଖ୍ୟଙ୍କ ସ୍ବାଗତ ରାଲିବେଳେ ଦୁର୍ଘଟଣା, ଜଣେ ମୃତ

ଭୋପାଳ: ଭୀମ ସେନା ମୁଖ୍ୟ ଚନ୍ଦ୍ରଶେଖର ରାବଣଙ୍କୁ ସ୍ବାଗତ ପାଇଁ ଗାଡି ସମାବେଶ ହେବା ସହ ଏକ ବଡ ରାଲି ହୋଇଥିଲା । ଏହି ସମୟରେ ଏକ ବଡ଼ ଦୁର୍ଘଟଣା ଘଟିଛି । କାର୍ଯ୍ୟକ୍ରମରେ ଯୋଗଦେବା ପାଇଁ ରବିବାର ଚନ୍ଦ୍ରଶେଖର ରାବଣ ମଧ୍ୟପ୍ରଦେଶର ସାଗରକୁ ଆସିଥିଲେ। ତାଙ୍କୁ ସ୍ବାଗତ କରିବା ପାଇଁ ଭୋପାଳ ରାସ୍ତାରେ ଏକ ବିରାଟ ଗାଡି ରାଲି ରହିଥିଲା । ଏକ ଗାଡି ରାଲିରେ ରହିଥିବା ଜଣେ ଯୁବକ ଏକ ଗାଈ ସହିତ ମୁହାଁମୁହିଁ ହୋଇଥିଲେ। ଏହାପରେ ଗାଈ ସହିତ ଧକ୍କା ହେବା ମାତ୍ରେ ମୋଟରସାଇକେଲ ରାସ୍ତାରେ ପଡିଯାଇଥିଲା ଏବଂ ପଛରୁ ଆସୁଥିବା ଚାରି ଚକିଆ ଯାନ ଏହା ଉପରେ ଚଢିଯାଇଥିଲା । ଏହି ଦୁର୍ଘଟଣାରେ ଯୁବକଙ୍କର ଯନ୍ତ୍ରଣାଦାୟକ ମୃତ୍ୟୁ ଘଟିଛି । ଏହି ରାଲିରେ ଜଡିତ ଲୋକମାନେ ଭିଡିଓ ଉତ୍ତୋଳନ କରିଥିଲେ । ଏହି ଘଟଣା ମୋବାଇଲରେ କଏଦ ହୋଇଛି । ମୃତକଙ୍କ ନାମ ଶୈଳେନ୍ଦ୍ର ଅହିରୱାର ବୋଲି ଜଣାପଡିଛି । ପୋଲିସ ଏକ ମାମଲା ରୁଜୁ କରି ଯୁବକଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ।