ସୁବର୍ଣ୍ଣରେଖା ବନ୍ୟାରେ ବେହାଲ ବାଲିଆପାଳ, ଲୋକଙ୍କୁ ମିଳୁଛି ରନ୍ଧାଖାଦ୍ୟ

ସୁବର୍ଣ୍ଣରେଖାରେ ବନ୍ୟା ଆସିବା ଫଳରେ ବାଲେଶ୍ଵର ଜିଲ୍ଲାର ବାଲିଆପାଳ ବ୍ଲକ ଅଧିକ ପ୍ରଭାବିତ ହୋଇଛି । ବାଲିଆପାଳ ପଞ୍ଚାୟତର ପ୍ରାୟ ୫୦୦ ପରିବାର ଏବେ ପାଣି ଘେରରେ ରହିଥିବା ଜଣାପଡିଛି । ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବା ପାଇଁ ପ୍ରଶାସନ ପକ୍ଷରୁ ପ୍ରୟାସ ଜାରି ରହିଛି । ବାଲିଆପାଳ ପଞ୍ଚାୟତର ପ୍ରାଇମେରୀ ସ୍କୁଲରେ ଲୋକମାନଙ୍କୁ ରନ୍ଧାଖାଦ୍ୟ ଯୋଗାଇ ଦିଆଯାଉଥିବାବେଳେ, ଆଶାକର୍ମୀ ଓ ଅଙ୍ଗନାବାଡି କର୍ମୀମାନେ ଔଷଧ ବାଣ୍ଟୁଛନ୍ତି ।