ଗୁଜୁରାଟ ଜାମନଗରରେ ଜଳିଗଲା ହୋଟେଲ, ସମସ୍ତଙ୍କୁ ସୁରକ୍ଷିତ ଉଦ୍ଧାର

ଗାନ୍ଧୀନଗର: ଗୁଜୁରାଟ ଜାମନଗରର ସହରର ଏକ ହୋଟେଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଠାରେ ହୋଟେଲ କର୍ମଚାରୀଙ୍କ ସମେତ ମୋଟ ୨୭ ଜଣ ଥିଲେ । ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଏକାଧିକ ଅଗ୍ନିଶମ ଟିମ୍ ଘଟଣାସ୍ଥଳରେ ପହଞ୍ଚି ନିଆଁ ଆୟତ୍ତ କରିଛନ୍ତି । ତେବେ ନିଆଁ ସଂସ୍ପର୍ଶରେ ଆସିବା ଯୋଗୁଁ ଦୁଇରୁ ତିନି ଜଣ ବ୍ୟକ୍ତିଙ୍କ ନିଶ୍ବାସ ପ୍ରଶ୍ବାସ ଜନିତ ସମସ୍ୟା ହେବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଏଯାଏଁ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ଦେଖନ୍ତୁ ହୋଟେଲରେ ନିଆଁ ଲାଗିବା ସମୟର ଭୟଙ୍କର ଭିଡିଓ ।