ଫଣା ଟେକି ମହିଳାଙ୍କ ଉପରେ ବସିଲା ନାଗସାପ, ଦୃଶ୍ୟ ଦେଖିଲେ ଛାତିଥରି ଉଠିବ

ବେଙ୍ଗାଲୁରୁ: ଜମି ନିକଟରେ ମହିଳା ଶୋଇଥିଲେ । ଏତିକି ବେଳେ ମହିଳାଙ୍କ ଉପରେ ଫଣା ଟେକି ବସିଲା ୬ ଫୁଟର ନାଗସାପ । ଯାହାର ଦୃଶ୍ୟ ଦେଖିଲେ ଆପଣଙ୍କ ଛାତି ଥରିଯିବ । ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଏଥିରେ ଦେଖାଯାଇଛି, ମହିଳାଙ୍କ ନିଦ ଭାଙ୍ଗିବା ମାତ୍ରେ ନିଜ ଉପରେ ସାପକୁ ଦେଖି ତାଙ୍କ ବୁଦ୍ଧିବଣା ହୋଇଯାଇଥିଲା । ଭୟରେ ସେ ଭଗବାନଙ୍କୁ ଡାକିବା ଆରମ୍ଭ କରିଥିଲେ । ହେଲେ ସାପଟି ସେମିତି ତାଙ୍କ ଉପରେ ଫଣା ଟେକି ବସି ରହିଥିଲା । ଏହି ଭିଡିଓଟି କର୍ଣ୍ଣାଟକ କଲବୁର୍ଗି ଜିଲ୍ଲା ଅନ୍ତର୍ଗତ ମାଲ୍ଲାଦ ଗାଁର ହୋଇଥିବା ଜଣାପଡିଛି । ତେବେ ସାପଟି ମହିଳାଙ୍କ କୌଣସି କ୍ଷତି ନ କରି କିଛି ସମୟ ପରେ ପଳାଯାଇଥିବା ସୂଚନା ମିଳିଛି ।