ଭିନ୍ନ ପରମ୍ପରା, ବାହାର ଲୋକ ଛୁଇଁଲେ ଭଙ୍ଗାଯାଏ 'ଲାଲବଙ୍ଗଳା'

ନୂଆପଡା: ଭିନ୍ନ ଏକ ପରମ୍ପରା । ବିଶ୍ବାସ ଓ ଅନ୍ଧବିସ୍ବାସ ର ପରାକାଷ୍ଠା ରେ ଗଢି ଉଠିଛି 'ଲାଲବଙ୍ଗଳା' । ଏ ଏମିତି ଏକ ଘର ଯାହାକୁ କେହି ଛୁଇଁ ଦେଲେ ଭାଙ୍ଗି ଦିଆଯାଏ କିମ୍ବା ନିଆଁରେ ପୋଡି ଦିଆଯାଏ । ଏବଂ ସଙ୍ଗେ ସଙ୍ଗେ ଉପବାସ ରହି ନୂତନ 'ଲାଲବଙ୍ଗଳା' ନିର୍ମାଣ କରାଯାଏ । ଏହାକୁ ତିଆରି କରିବାରେ ସିମେଣ୍ଟ, ବାଲି କି ପଥରର ବ୍ୟବହାର ହୋଇନଥାଏ ବରଂ ମାଟିରେ ତିଆରି କରାଯାଇ ଲାଲ ରଙ୍ଗ ଦିଆଯାଇଥାଏ । ନୂଆପଡା ଜିଲ୍ଲାର ପ୍ରସିଦ୍ଧ ସୁନାବେଡା ଅଭୟାରଣ୍ୟରେ ଦେଖିବାକୁ ମିଳେ ଏହି 'ଲାଲବଙ୍ଗଳା' । ଯେଉଁଠି ରୁହନ୍ତି ଚକୋତିଆ ଭୁଞ୍ଜିଆ ଆଦିମ ଜନଜାତି । ଏହି ଲାଲବଙ୍ଗଳା ହେଉଛି ଏମାନଙ୍କର ରୋଷେଇ ଘର । ଇଷ୍ଟଦେବୀ ମା ସୁନାଦେଈ ଓ ପିତୃପୁରୁଷଙ୍କୁ ଏହି ଲାଲବଙ୍ଗଳାରେ ସ୍ଥାପନ କରି ପୂଜା କରାଯାଇଥାଏ । ଲାଲବଙ୍ଗଳା ଚକୋତିଆ ଭୁଞ୍ଜିଆଙ୍କ ପାଇଁ ହେଉଛି ଏକ ପବିତ୍ର ସ୍ଥାନ ।