ପଞ୍ଚାୟତର ମୁଖ୍ୟରାସ୍ତା ସଫେଇ କରି ନିର୍ବାଚନ ପ୍ରଚାର କରୁଛନ୍ତି ଦୁଇ ଉଚ୍ଚଶିକ୍ଷିତ ପ୍ରାର୍ଥୀ

ବ୍ରହ୍ମପୁର: ପଞ୍ଚାୟତର ମୁଖ୍ୟ ରାସ୍ତାକୁ ସଫା କରି ନିର୍ବାଚନ ପ୍ରଚାର ଆରମ୍ଭ କଲେ ଦୁଇ ଉଚ୍ଚଶିକ୍ଷିତ ପ୍ରାର୍ଥୀ। ଚଳିତ ପଞ୍ଚାୟତ ନିର୍ବାଚନରେ ଜନସାଧାରଣଙ୍କ ନିକଟତର ହେବା ପାଇଁ ମୈଦାନକୁ ଓହ୍ଲାଇଥିବା ପ୍ରାର୍ଥୀମାନେ ଭିନ୍ନ ଭିନ୍ନ ପନ୍ଥା ଆପଣାଉଥିବା ଦେଖିବାକୁ ମିଳୁଛି। ସେହିଭଳି ଗଞ୍ଜାମ ଜିଲ୍ଲାର ପୁରଷୋତ୍ତମପୁର ବ୍ଳକର ଜାମୁନି ପଞ୍ଚାୟତରେ ମୁଖ୍ୟ ରାସ୍ତାକୁ ସଫା କରି ନିର୍ବାଚନ ପ୍ରଚାର ଲଢୁଛନ୍ତି ଦୁଇଜଣ ପ୍ରାର୍ଥୀ । ଉଭୟେ ସରପଞ୍ଚ ଓ ସମିତିସଭ୍ୟା ପଦବୀ ପାଇଁ ପ୍ରାର୍ଥୀ ଚୟନ ହୋଇଛନ୍ତି। ବ୍ରହ୍ମପୁର ଏମ୍.କେ.ସି.ଜି ମେଡିକାଲର ଅବସରପ୍ରାପ୍ତ କର୍ମଚାରୀ ରମେଶ ବେହେରା ସରପଞ୍ଚ ପ୍ରାର୍ଥୀ ଭାବେ ନିର୍ବାଚନ ଲଢୁଛନ୍ତି। ସେହିପରି ସମିତିସଭ୍ୟା ଭାବରେ ରଞ୍ଜିତା କୁମାରୀ ମହାନ୍ତି ନିର୍ବାଚନରେ ପ୍ରତିଦ୍ବନ୍ଦିତା କରୁଛନ୍ତି। l ତେବେ ଜାମୁନି ପଞ୍ଚାୟତରେ ଜମୁଛି ନିର୍ବାଚନର ପ୍ରଚାର।