ଗୋପରେ କୃଷ୍ଣଙ୍କ ନାବକେଳି, ମଥୁରାରେ କଂସର ଛଳନା: ଷଡଯନ୍ତ୍ରରେ ବିମୋହିତ ଦର୍ଶକ

ବରଗଡ: ସପ୍ତମ ଦିନରେ ବିଶ୍ବପ୍ରସିଦ୍ଧ ବରଗଡ଼ ଧନୁଯାତ୍ରା । ଏହି ଅବସରରେ ସମଗ୍ର ଗୋପପୁର ହୋଇପଡିଛି କୃଷ୍ଣମୟ । କୃଷ୍ଣପ୍ରେମରେ ରାଧାଙ୍କ ସହ ଷୋହଳ ସହସ୍ର ଗୋପୀ ହୋଇପଡ଼ିଛନ୍ତି ଆତ୍ମବିଭୋର । ସେହିପରି ଗୋଟିଏ ପରେ ଗୋଟିଏ ଲୀଳା ଦେଖାଇ ଚାଲିଛନ୍ତି କୃଷ୍ଣ । ପ୍ରତିଦିନ ଭଳି ରାଧା ଓ ଗୋପୀମାନେ ମଥୁରାକୁ ଦଧି ବିକି ଗୋପପୁରକୁ ଯମୁନା ପାରି ହୋଇ ଫେରୁଛନ୍ତି । ଏହି ସମୟରେ କୃଷ୍ଣ ନାଉଁରିଆ ବେଶରେ ଜଗି ରହିଥାନ୍ତି ଓ ତା'ପରେ ହୋଇଥାଏ ରାଧାକୃଷ୍ଣଙ୍କ ନାବକେଳି ।