ସୈଫଙ୍କୁ ଛୁରାମାଡ଼; ଚିନ୍ତା ପ୍ରକଟ କଲେ ସେଲିବ୍ରିଟି, ଆଇନ ବ୍ୟବସ୍ଥା ଉପରେ ଉଠାଇଲେ ପ୍ରଶ୍ନ

ସୈଫ ଅଲି ଖାନଙ୍କ ଉପରେ ହୋଇଥିବା ଆକ୍ରମଣରେ ପ୍ରଶଂସକ ଏବଂ ଅନେକ ସେଲିବ୍ରିଟି ଚିନ୍ତା ପ୍ରକଟ କରିଛନ୍ତି । ଜୁନିଅର ଏନଟିଆର ଏବଂ ପୂଜା ଭଟ୍ଟଙ୍କ ସମେତ ଅନେକ ସେଲିବ୍ରିଟି ନିଜର ପ୍ରତିକ୍ରିୟା ଦେଇଛନ୍ତି।

ହାଇଦ୍ରାବାଦ: ଗୁରୁବାର ବଲିଉଡ ଅଭିନେତା ସୈଫ ଅଲି ଖାନଙ୍କୁ ଛୁରାମାଡ଼ ଘଟଣା । ଚୋରି କରିବା ଉଦ୍ୟମରେ ଅଭିନେତାଙ୍କ ବାନ୍ଦ୍ରା ଘରେ ପଶି ତାଙ୍କୁ 6ଥର ଛୁରୀରେ ଆକ୍ରମଣ କରିଥିଲେ । ଫଳରେ ଅଭିନେତାଙ୍କୁ ମୁମ୍ବାଇର ଲୀଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ବର୍ତ୍ତମାନ ତାଙ୍କର ଅସ୍ତ୍ରୋପଚାର ଚାଲିଛି । ତେବେ କଡା ସୁରକ୍ଷା ସତ୍ତ୍ୱେ ଅଭିନେତାଙ୍କ ଉପରେ ହୋଇଥିବା ଏହି ଆକ୍ରମଣ ନେଇ ଫ୍ୟାନ୍ସ ଓ ସେଲିବ୍ରିଟି ଆଶ୍ଚର୍ଯ୍ୟ ହୋଇଛନ୍ତି । ଜୁନିଅର ଏନଟିଆର ଚିନ୍ତା ପ୍ରକଟ କରିଥିବା ବେଳେ ପୂଜା ଭଟ୍ଟଙ୍କ ସମେତ ଅନେକ ତାରକା ଏହି ଘଟଣାକୁ ନିନ୍ଦା କରିଛନ୍ତି ଏବଂ ଆଇନ ବ୍ୟବସ୍ଥା ଉପରେ ପ୍ରଶ୍ନ ଉଠାଇଛନ୍ତି ।

Law & Order.
We have laws.. what about order?

— Pooja Bhatt (@PoojaB1972) January 16, 2025

ଆଇନ ବ୍ୟବସ୍ଥା ଉପରେ ଉଠାଇଲେ ପ୍ରଶ୍ନ: ପୂଜା ଭଟ୍ଟ

Local police are our first preventers/grass root defenders. It is law enforcements duty to create an environment in which people with a criminal bent do not feel comfortable to operate. The Beat officer must act as a deterrent in preventing criminal activity. 🙏 @CPMumbaiPolice

— Pooja Bhatt (@PoojaB1972) January 16, 2025

ସୈଫଙ୍କ ଉପରେ ଆକ୍ରମଣ ଘଟଣା ନେଇ ଅଭିନେତ୍ରୀ ପୂଜା ଭଟ୍ଟ ଗଭୀର ଉଦବେଗ ପ୍ରକାଶ କରିଛନ୍ତି । ଅଭିନେତ୍ରୀ ଆଇନ ଶୃଙ୍ଖଳା ଉପରେ ପ୍ରଶ୍ନ ଉଠାଇଛନ୍ତି । ସେ ଏକ୍ସରେ ପୋଷ୍ଟ କରି ଲେଖିଛନ୍ତି, 'ଆଇନ ଏବଂ ବ୍ୟବସ୍ଥା । ଆମ ପାଖରେ ଆଇନ ଅଛି...ବ୍ୟବସ୍ଥା କ'ଣ ?' ଦ୍ୱିତୀୟ ଟ୍ୱିଟରେ ସେ ଲେଖିଛନ୍ତି- 'ମୁମ୍ବାଇ ପୋଲିସ ଏହି ଅରାଜକତାକୁ ନିୟନ୍ତ୍ରଣ କରିପାରିବ କି? ବାନ୍ଦ୍ରାରେ ଆମକୁ ଅଧିକ ପୋଲିସ ଅଧିକାରୀ ଦରକାର । ଏହି ସହର ଏବଂ ବିଶେଷକରି ବାନ୍ଦ୍ରା ପୂର୍ବରୁ ନିଜକୁ ଏତେ ଅସୁରକ୍ଷିତ ମନେ କରିନାହାଁନ୍ତି । ସ୍ଥାନୀୟ ପୋଲିସ ଆମର ପ୍ରଥମ ରକ୍ଷକ । ଏପରି ପରିବେଶ ସୃଷ୍ଟି କରିବା ଆଇନ ଶୃଙ୍ଖଳାକାରୀଙ୍କ କର୍ତ୍ତବ୍ୟ ଯେଉଁଠାରେ ଅପରାଧ କରୁଥିବା ଲୋକମାନେ ଆରାମ ଅନୁଭବ କରିପାରିବେ ନାହିଁ । ଏପରି ଅପରାଧିକ କାର୍ଯ୍ୟକଳାପକୁ ରୋକିବା ପାଇଁ ପୋଲିସ ଅଧିକାରୀମାନେ କାର୍ଯ୍ୟ କରିବା ଉଚିତ୍ ।'

Shocked and saddened to hear about the attack on Saif sir.

Wishing and praying for his speedy recovery and good health.

— Jr NTR (@tarak9999) January 16, 2025

ଚିନ୍ତା ପ୍ରକଟ କଲେ ଚିରଞ୍ଜିବୀ-ଜୁନିଅର ଏନଟିଆର

ସୈଫଙ୍କ ଫିଲ୍ମ 'ଦେବରା' ସହ-ଅଭିନେତା ଜୁନିଅର ଏନଟିଆର ଅଭିନେତାଙ୍କ ଉପରେ ହୋଇଥିବା ଆକ୍ରମଣକୁ ନେଇ ଚିନ୍ତା ପ୍ରକଟ କରିଛନ୍ତି । ସେ ଏକ୍ସରେ ପୋଷ୍ଟ କରି ଲେଖିଛନ୍ତି, "ସୈଫ ସାରଙ୍କ ଉପରେ ହୋଇଥିବା ଆକ୍ରମଣ ବିଷୟରେ ଶୁଣି ମୁଁ ଆଶ୍ଚର୍ଯ୍ୟ ଏବଂ ଦୁଃଖିତ । ତାଙ୍କ ଶୀଘ୍ର ଆରୋଗ୍ୟ ଏବଂ ସ୍ୱାସ୍ଥ୍ୟ ପାଇଁ ମୁଁ ପ୍ରାର୍ଥନା କରୁଛି ।" ସେହିପରି ଘଟଣା ନେଇ ଚିନ୍ତା ପ୍ରକଟ କରିଛନ୍ତି ଚିରଞ୍ଜିବୀ । ସେ ଏକ୍ସରେ ପୋଷ୍ଟ କରି ଲେଖିଛନ୍ତି, ''ସୈଫଙ୍କ ଉପରେ ଦୁବୃର୍ତ୍ତଙ୍କ ଆକ୍ରମଣ ଖବର ଶୁଣି ଗଭୀର ଭାବରେ ମର୍ମାହତ । ତାଙ୍କର ଶୀଘ୍ର ଆରୋଗ୍ୟ ପାଇଁ କାମନା କରୁଛି ।''

Deeply Disturbed by news of the attack by an intruder on #SaifAliKhan

Wishing and praying for his speedy recovery.

— Chiranjeevi Konidela (@KChiruTweets) January 16, 2025

ଏହା ମଧ୍ୟ ପଢନ୍ତୁ: ଅଭିନେତା ସୈଫ ଅଲି ଖାନଙ୍କୁ ଛୁରାମାଡ଼

kejriwal post (twitter)

କେଜ୍ରିୱାଲ ମଧ୍ୟ ଚିନ୍ତା ପ୍ରକଟ କରିଛନ୍ତି

ପୂର୍ବତନ ସିଏମ୍ ଏବଂ ଆମ୍ ଆଦମୀ ପାର୍ଟି ନେତା ଅରବିନ୍ଦ କେଜ୍ରିୱାଲ ମଧ୍ୟ ଘଟଣା ନେଇ ପ୍ରତିକ୍ରିୟା ଦେଇଛନ୍ତି । ସେ ଏକ୍ସରେ ପୋଷ୍ଟ ସେୟାର କରି ଲେଖିଛନ୍ତି, ସୈଫ ଅଲି ଖାନଙ୍କ ଆକ୍ରମଣ ଖବର ଶୁଣି ମୁଁ ଆଶ୍ଚର୍ଯ୍ୟ । ମୁଁ ତାଙ୍କ ଶୀଘ୍ର ଆରୋଗ୍ୟ କାମନା କରୁଛି । ତାଙ୍କ ପରିବାର ଏହି କଷ୍ଟ ସମୟରେ ସାହସ ମିଳୁ ।

ଏହା ମଧ୍ୟ ପଢନ୍ତୁ: ସୈଫ ଅଲି ଖାନଙ୍କୁ ଛୁରାମାଡ଼ ମାମଲା; 3 ଅଟକ, ମୁଖ୍ୟ ଅଭିଯୁକ୍ତ ଏବେ ବି ଫେରାର୍

ସେପଟେ ଫ୍ୟାନ୍ସ ମଧ୍ୟ ସୈଫଙ୍କ ଶୀଘ୍ର ସୁସ୍ଥ ହୋଇ ଘରକୁ ଫେରିବା ପାଇଁ ପ୍ରାର୍ଥନା କରୁଛନ୍ତି । ଅଭିନେତାଙ୍କୁ ଆକ୍ରମଣ କରାଯିବା ସମୟରେ କରୀନା ଏବଂ ତାଙ୍କ ପିଲାମାନେ ଘରେ ଉପସ୍ଥିତ ଥିଲେ । କରୀନା ଏବଂ ସୈଫଙ୍କ PR ଟିମ୍ ମଧ୍ୟ ଏହି ଘଟଣା ସମ୍ପର୍କରେ ବୟାନ ଜାରି କରିଛନ୍ତି । ଯେଉଁଥିରେ କହିଛନ୍ତି ତାଙ୍କ ଘରେ ଚୋରି ଉଦ୍ୟମରେ ଦୁବୃର୍ତ୍ତ ଘରେ ପଶିଥିଲା । ଫଳରେ ତାଙ୍କ ମେରୁଦଣ୍ଡରେ ଗଭୀର କ୍ଷତ ହେବା ସହ ବେକରେ ଆଘାତ ଲାଗିଛି । ବାକି ପରିବାର ଭଲ ଅଛନ୍ତି । ଅନ୍ୟପକ୍ଷରେ ଲୀଲାବତୀ ଡାକ୍ତରଖାନାରେ ସୈଫଙ୍କ ଅସ୍ତ୍ରୋପଚାର ଚାଲିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ