SIT ଉପରେ ଛାତ୍ରଙ୍କ ସାଙ୍ଘାତିକ ଅଭିଯୋଗ, କହିଲେ ‘ହତ୍ୟା ସ୍ବୀକାର ପାଇଁ ବାଧ୍ୟ କରୁଛନ୍ତି ବୋଥ୍ରା’

ନୟାଗଡ: ପରୀ ହତ୍ୟାକାଣ୍ଡ ଘଟଣାରେ ସ୍ବତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) ଜଣେ ଛା‌ତ୍ରଙ୍କ ଉପରେ ତଦନ୍ତ କରୁଛି l ଉକ୍ତ କଲେଜ ଛାତ୍ର ଗଣମାଧ୍ୟମ ସାମ୍ନାକୁ ଆସିଛନ୍ତି l ଏଥିସହିତ ଛାତ୍ର ଜଣକ ଏସଆଇଟି ମୁଖ୍ୟ ଅରୁଣ ବୋଥ୍ରାଙ୍କ ବିରୋଧରେ ଅଭିଯୋଗ ଆଣିଛନ୍ତି l ପରୀଙ୍କ ଗାଁ ଯଦୁପୁରର ଏହି ଛାତ୍ର ହେଉଛନ୍ତି ସରୋଜ କୁମାର ସେଠୀ (୧୮) l ତାଙ୍କ ଅଭିଯୋଗ ଅନୁଯାୟୀ, ଏସଆଇଟି ମୁଖ୍ୟ ଶ୍ରୀ ବୋଥ୍ରା, ନାବାଳିକା ପରୀକୁ ହତ୍ୟା କରିଥିବା ସ୍ବୀକାର କରିବାକୁ ତାଙ୍କୁ ପ୍ରବର୍ତ୍ତାଉଛନ୍ତି । କେବଳ ସେତିକି ନୁହେଁ, ଦିଲ୍ଲୀର ନିର୍ଭୟା ଦୁଷ୍କର୍ମ ମାମଲ‌ାରେ ଯେଭଳି ୪ ଜଣ ଫାଶୀ ପାଇଲେ, ନାବାଳକ ଦୋଷୀ ଜଣକ ଖସିଗଲେ ତାହାର ଉଦାହରଣ ଦେଇଛନ୍ତି । ବୋଥ୍ରା ଏ ସମ୍ପର୍କିତ ନ୍ୟୁଜ କ୍ଲିପିଂ ଦେଖାଇ ଛାତ୍ର ଜଣଙ୍କୁ ପରୀ ହତ୍ୟା ସ୍ବୀକାର କରିବାକୁ ବାଧ୍ୟ କରୁଛନ୍ତି ।