ପିପିଲି ଉପନିର୍ବାଚନ; ଗୋଟିଏ ବୁଥରେ ଭୋଟ ଦେବେ 1000 ଭୋଟର

ଭୁବନେଶ୍ବର: ପିପିଲି ଉପନିର୍ବାଚନକୁ ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ନିଜର ପ୍ରତିକ୍ରିୟା ରଖିଛନ୍ତି । ଉପନିର୍ବାଚନ ପାଇଁ ଆମେ ପ୍ରସ୍ତୁତ ଅଛୁ ବୋଲି ସେ କହିଛନ୍ତି । ଇଭିଏମ ଓ ଭିଭିପାଟ ପହଞ୍ଚି ସାରିଛି । କୋଭିଡ୍ ଗାଇଡଲାଇନ ଅନୁସାରେ ନିର୍ବାଚନ ହେବ ବୋଲି ସେ ଦର୍ଶାଇଛନ୍ତି । ସେହିପରି ଗୋଟିଏ ବୁଥରେ 1000 ଜଣ ଭୋଟର ଆସି ଭୋଟ ଦେଇ ପାରିବେ । ଏଥିଲାଗି ଅତିରିକ୍ତ ବୁଥର ବ୍ୟବସ୍ଥା କରାଯାଇଛି ବୋଲି ସେ ସୂଚନା ଦେଇଛନ୍ତି । ସେପଟେ ଅନ୍ୟ ରାଜ୍ୟରେ ଏବେ ନିର୍ବାଚନ ଥିବାରୁ ସେଠାକୁ ଡ୍ୟୁଟି କରିବାକୁ ଆମ ରାଜ୍ୟର କିଛି ଆଇଏଏସ ଓ ଆଇପିଏସ ଅଫିସର ଯିବାର ଅଛି । ସେଥିପାଇଁ ଏମାନଙ୍କୁ ଅନଲାଇନରେ ଟ୍ରେନିଂ ଦିଆଯାଉଥିବା ସେ କହିଛନ୍ତି ।