ହୁ ହୁ ହୋଇ ଜଳିଗଲା ଟ୍ରକ, କାରଣ ଅସ୍ପଷ୍ଟ

କେନ୍ଦୁଝର: ଅଧରାତିରେ ହୁତୁ ହୁତୁ ହୋଇ ଜଳିଗଲା ଟ୍ରକ । ଗତକାଲି ବିଳମ୍ବିତ ରାତିରେ କେନ୍ଦୁଝର ସଦର ଥାନା ଅନ୍ତର୍ଗତ ଶୁଆକାଟି ନିକଟରେ ହଠାତ ଏକ 10 ଚକିଆ ଟ୍ରକ ନିଆଁଲାଗିଯାଇଥିଲା । ସ୍ଥାନୀୟ ଲୋକେ ଏନେଇ ଖବର ଦେବାପରେ ଅଗ୍ନିଶମ ବାହିନୀ ପହଞ୍ଚି ନିଆଁ କୁ ଆୟତ କରିଥିଲା । ତେବେ ଟ୍ରକରେ ନିଆଁ କେମିତି ଲାଗିଲା ସେନେଇ କାରଣ ଅସ୍ପଷ୍ଟ ଥିବା ବେଳେ ପୋଲିସ ତଦନ୍ତ ଜାରି ରଖିଛି । ସୂଚନା ଯୋଗ୍ୟ ଯେ ଗତ ୨୨ତାରିଖ ଦିନ ଏହି ଅଞ୍ଚଳରେ ଏକ ୧୨ ଚକିଆ ଟ୍ରକରେ ନିଆଁ ଲାଗିଥିଲା । ଏହି ଘଟଣାକୁ 24 ଘଣ୍ଟା ନ ପୁରୁଣୁ ପୁଣି ଆଉ ଏକ ଟ୍ରକ ରେ ନିଆଁ ଲାଗିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି । କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ