ସାକାର ହେଲା ନମିତାଙ୍କ ସ୍ବପ୍ନ, କଟକ ଷ୍ଟୁଡିଓରେ ପ୍ରଥମ ଭଜନ ରେକଡିଂ

କଟକ: ନିଜ ମନ୍ତ୍ରମୁଗ୍ଧ ସ୍ବରରେ ପ୍ରଥମ ଥର ଷ୍ଟୁଡିଓରେ ରେକର୍ଡିଂ କଲେ ବନ୍ଧୁଗାଁ ବ୍ଲକ ଚିନ୍ତାଗୁଡା ଗ୍ରାମ ର ନମିତା ମେଲେକା । ଗୀତିକାର ବିଜୟ ମଲ୍ଲ ଙ୍କ ଲେଖା ଓ ସଙ୍ଗୀତ ନିର୍ଦ୍ଦେଶକ ପ୍ରେମାନନ୍ଦଙ୍କ ନିର୍ଦ୍ଦେଶନାରେ ନମିତା ଜଗନ୍ନାଥଙ୍କ ଭଜନ(ଟାଇଟଲ କୁଇ ଭାଷାରେ ନିନୋନା ଜିୟୁତି ଜୀବନ) ରୁ କ୍ୟାରିଅର ଆରମ୍ଭ କରିଛନ୍ତି । ସେ ଗାଇଥିବା କୁଇ ସହ ଓଡିଆ ଏବଂ ହିନ୍ଦୀ ଗୀତ ସୋସିଆଲ ମିଡିଆରେ ଭାଇରାଲ ପରେ ତାଙ୍କ ପାଖକୁ ଛୁଟିଥିଲା ପ୍ରଶଂସାର ସୁଅ । ଆଉ ତାଙ୍କର ଏହି ଯାଦୁଗରୀ କଣ୍ଠକୁ ହୃଦୟଙ୍ଗମ କରି ଓଲିଉଡ କୁଇନ ବର୍ଷାପ୍ରିୟଦର୍ଶିନୀ ତାଙ୍କୁ ପ୍ରଂଶସା କରିବା ସହ ଏହି ସ୍ବରରେ ଏକ ଜଗନ୍ନାଥ ଭଜନ ରେକର୍ଡିଂ କରିବେ ବୋଲି ପ୍ରତିଶ୍ରୁତି ଦେଇଛନ୍ତି । ଯାହାକୁ ସେ ଆଜି ସେ ଦିନ ଆସିଛି । ଯାହାକୁ ନେଇ ନମିତା ଖୁସି ଜାହିର କରିବା ସହ ବର୍ଷାଙ୍କୁ ଧନ୍ୟବାଦ ଜଣାଇଛନ୍ତି ।