ଶିକ୍ଷାର ଏନ୍ତୁଡିଶାଳରେ 22 ବର୍ଷ, ନିୟମଗିରିର ଭବିଷ୍ୟ ଗଢୁଛନ୍ତି ଶାନ୍ତନୁ ଦେବୀ

ରାୟଗଡା: ନିୟମଗିରିର ବାଲବାଡ଼ିରେ ଗୁରୁକୁଳର ଗୁରୁମାଁ ଶାନ୍ତନୁ ଅପ୍ପା । ନାଁ ଅଛି ଶ୍ରେଣୀ ଗୃହ, ନା ଅଛି ଲାଇଟ୍ ଫ୍ୟାନ୍। ଖୋଲା ଆକାଶ ତଳେ ଛାମୁଣ୍ଡିଆ ବାନ୍ଧି ଚାଲିଛି ଚାଟଶାଳୀ । ସରକାରୀ ଅନୁଦାନ ତ ଦୂରର କଥା ପାଠ୍ୟ ପୁସ୍ତକ କିମ୍ବା ମାଗଣା ପୋଷାକ ଖଣ୍ଡେ ବି ମିଳୁନି। ତଥାପି ଡଙ୍ଗରିଆଙ୍କୁ ଓଡ଼ିଆଠୁ ଆରମ୍ଭ କରି ଇଂରାଜୀ ଶିକ୍ଷାଦାନ କ୍ଷେତ୍ରରେ ପ୍ରମୁଖ ଭୂମିକା ନିଭାଇ ଆସୁଛି ନିୟମଗିରିର ,ଏ ହେଉଛି ବାଲବାଡ଼ି। ଦୀର୍ଘ ୨୨ ବର୍ଷ ଧରି ଡଙ୍ଗରିଆଙ୍କ ପାଇଁ ଆଲୋକବର୍ତ୍ତିକା ସାଜି ଏହି ଶିକ୍ଷାନୁଷ୍ଠାନ ଚଳାଇ ଆସିବା ପଛରେ ରହିଛି ଏକ ମହୀୟସୀ ମହିଳାଙ୍କ ଅବଦାନ । ସେ ଆଉ କେହି ନୁହନ୍ତି ଶାନ୍ତନୁ ଅପା ଓରଫ ଶାନ୍ତନୁ ମହାପାତ୍ର । ଘର କଟକ ଜିଲ୍ଲାର ଅଏନପୁରରେ କିନ୍ତୁ କର୍ମଭୂମି ଭାବେ ବାଛି ନେଇଛନ୍ତି ନିୟମଗିରିକୁ । ବିଷମକଟକ ବ୍ଲକ୍ କୁର୍ଲି ପଞ୍ଚାୟତ ନିୟମଗିରି ପାହାଡ଼ ଉପରେ ଅବସ୍ଥିତ ଖମ୍ବେସି ଗାଁ। ଯେଉଁଠି ରହିଛି ଶାନ୍ତନୁ ଅପାଙ୍କ ଶିକ୍ଷାନୁଷ୍ଠାନ।