ବାଲୁକା କଳାରେ 2021 ଶୁଭେଚ୍ଛା, କୋରୋନା ଟୀକା ନେଇ ଆଶାବାଦୀ ସୁଦର୍ଶନ

ପୁରୀ: ଆଜି ଠୁ ଇଂରାଜୀ ନବବର୍ଷର ଆରମ୍ଭ। ହେଲେ ପୁରୁଣା ବର୍ଷ 2020 ସମସ୍ତଙ୍କୁ ଅନେକ ଦୁଃଖ ଦେଇଛି। କୋଭିଡ ମହାମାରୀ ସଂକ୍ରମଣ ନେଇ ପୂର୍ବ ବର୍ଷ ସାରା ବିଶ୍ବ ପାଇଁ ଭୟାତୁର ସମୟ ଥିଲା। 2021 ମସିହାରେ ଏହାର ଟୀକା ଆସିବାର ସମ୍ଭାବନା ଥିବା ସମସ୍ତେ ଆଶାବାଦୀ ଅଛନ୍ତି। ଏମିତି କିଛି ଆଶା ଭରସାକୁ ନେଇ ବିସିଷ୍ଟ ବାଲୁକା ଚିତ୍ର ଶିଳ୍ପୀ ସୁଦର୍ଶନ ପଟ୍ଟନାୟକ ନବ ବର୍ଷରେ ଲୋକଙ୍କୁ ବାଲୁକା ଚିତ୍ର କଳା ମାଧ୍ୟମରେ ବାର୍ତ୍ତା ଦେଇଛନ୍ତି। 2021 ରେ ଜଲଦି କୋଭିଡ ଟୀକା ଆସିବାର ଆଶା ସେ ରଖିଥିବା ତାଙ୍କ ବାଲୁକା ଚିତ୍ର କଳା ରେ ସ୍ଥାନ ଦେଇଛନ୍ତି।