ବାଲେଶ୍ଵର ଚିତ୍ରକରଙ୍କ ପାଇଁ ଆଞ୍ଚଳିକ ଆର୍ଟ ଗ୍ୟାଲେରି ପ୍ରତିଷ୍ଠା

ବାଲେଶ୍ବର: ଓଡ଼ିଶାର କଳା ଓ ସଂସ୍କୃତିର ସୁରକ୍ଷା ସହ ଏହାର ଗାରିମାକୁ ସୁଦୂରପ୍ରସାରୀ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭୁବନେଶ୍ୱର ସମେତ ୫ଟି ଜିଲ୍ଲାରେ ଆର୍ଟ ଗ୍ୟାଲେରୀର ଲୋକାର୍ପଣ କରିଛନ୍ତି । ଏହି ପରିପ୍ରେକ୍ଷୀରେ ଓଡ଼ିଶା ଲଳିତ କଳା ଏକାଡେମୀ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ କାର୍ଯ୍ୟକ୍ରମ ଅନୁଷ୍ଠିତ ହୋଇ ଥିବାବେଳେ ବାଲେଶ୍ଵର ମଲ୍ଲିକାଶପୁର ସଂସ୍କୃତି ଭବନରେ ଆର୍ଟ ଗ୍ୟାଲେରୀକୁ ମୁଖ୍ୟମନ୍ତ୍ରୀ ଭର୍ଚୁଆଲ ମାଧ୍ୟମରେ ଲୋକାର୍ପଣ କରିଥିଲେ । କାର୍ଯ୍ୟକ୍ରମରେ ବାଲେଶ୍ଵର ସଦର ବିଧାୟକ ସ୍ୱରୂପ ଦାସଙ୍କ ସମେତ ବାଲେଶ୍ଵର ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଉପସ୍ଥିତ ଥିଲେ । ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ