ଇଦ ଶୁଭେଚ୍ଛା ସହ ଅଭାବୀଙ୍କୁ ସାହାଯ୍ୟର ହାତ ବଢାଇଲେ ସୋନୁ

ମୁମ୍ବାଇ: ଗତ ବର୍ଷରୁ ଅଭାବୀ ଲୋକଙ୍କୁ କ୍ରମାଗତ ଭାବେ ସାହାଯ୍ୟ କରିଆସୁଛନ୍ତି ସୋନୁ ସୁଦ । ସେ କୋରୋନା କାଳରେ ଦେଶବାସୀଙ୍କ ଦେବଦୂତ ସାଜିଛନ୍ତି । ସେହିପରି ଇଦ ଅବସରରେ ସେ ନିଜ ମୁମ୍ବାଇ ସ୍ଥିତ ଘର ବାହାରେ ଲୋକଙ୍କୁ ଭେଟିବା ସହ ଇଦ ଶୁଭେଚ୍ଛା ଜଣାଇଥିଲେ । ଏହାସହ ସେ ସମସ୍ତଙ୍କୁ ସମ୍ଭାବ୍ୟ ସାହାଯ୍ୟର ଆଶ୍ବାସନା ମଧ୍ୟ ଦେଇଥିଲେ। ଖାଲି ଏତିକି ନୁହେଁ ଅଭିନେତା ଫ୍ରାନ୍ସରୁ ଅକ୍ସିଜେନ ପ୍ଲାଣ୍ଟ ଆଣିବେ । ଯାହାକୁ ଦିଲ୍ଲୀ ଏବଂ ମହାରାଷ୍ଟ୍ର ସମେତ ଭାରତର ସବୁଠାରୁ ଅଧିକ କ୍ଷତିଗ୍ରସ୍ତ କୋରୋନା ରାଜ୍ୟରେ ଅତି କମରେ ଚାରିଟି ଅମ୍ଳଜାନ କାରଖାନା ସ୍ଥାପନ କରିବାକୁ ସେ ଯୋଜନା କରୁଛନ୍ତି ।