ଗୁମ୍ମା ବ୍ଲକରେ ନାହିଁ ସ୍ଥାୟୀ ବସଷ୍ଟାଣ୍ଡ, ଟ୍ରାଫିକ ସମସ୍ଯାରେ ହନ୍ତସନ୍ତ ଲୋକେ

ଗଜପତି: ଆଜି ପର୍ଯ୍ୟନ୍ତ ଗୁମ୍ମା ବ୍ଲକରେ ହୋଇପାରିଲା ନାହିଁ ବସଷ୍ଟାଣ୍ଡ । ଦୀର୍ଘ 3 ବର୍ଷ ପୂର୍ବରୁ ପ୍ରକଳ୍ପ ମଜୁରୀ ହୋଇଥିଲେ ମଧ୍ୟ କାର୍ଯ୍ୟ ଶୂନ୍ୟ । ଫଳରେ ମୁଖ୍ୟ ରାସ୍ତା ଉପରେ ବସ, ଗାଡିମୋଟ ରହୁଥିବାରୁ ଟ୍ରାଫିକ ସମସ୍ୟା ସୃଷ୍ଟି ହୋଇଛି । ଯାହା ଦ୍ବାରା ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ମଧ୍ୟ ହେଉଛନ୍ତି । ତୁରନ୍ତ ଏକ ବସଷ୍ଟାଣ୍ଡ ନିର୍ମାଣ କରିବାକୁ ଗୁମ୍ମା ବ୍ଲକ ବାସୀ ଦାବି କରିଛନ୍ତି । ସେପଟେ,ବସଷ୍ଟାଣ୍ଡ ପାଇଁ ଜାଗା ଚିହ୍ନଟ ସରିବା ସହ ସଂଯୋଗ କରୁଥିବା ରାସ୍ତା କାମ ମଧ୍ୟ ଶେଷ ହୋଇଛି । ଖୁବଶୀଘ୍ର ବସଷ୍ଟାଣ୍ଡ କରାଯିବ ବୋଲି କହିଛି ପ୍ରଶାସନ ।