ଅନୁଗୋଳର 2ଟି କେନ୍ଦ୍ରରେ ପରୀକ୍ଷା ଦେବେ ନିଟ୍ ପରୀକ୍ଷାର୍ଥୀ

ଅନୁଗୋଳ: ଆଜି ସାରା ଦେଶରେ ସର୍ବଭାରତୀୟ ମେଡିକାଲ ପ୍ରବେଶିକା ପରୀକ୍ଷା ନିଟ୍ । 16 ଲକ୍ଷରୁ ଅଧିକ ଛାତ୍ରଛାତ୍ରୀ ଆଜି ପରୀକ୍ଷା ଦେବେ । ଏହି କ୍ରମରେ ଜିଲ୍ଲାର 2ଟି ପରୀକ୍ଷା କେନ୍ଦ୍ରରେ 200ରୁ ଊର୍ଦ୍ଧ୍ବ ପରୀକ୍ଷାର୍ଥୀ ଏହି ପରୀକ୍ଷାରେ ବସିବେ । ଜିଲାର ବଅଁରପାଳ ସ୍ଥିତ ଡିପିଏସ ସ୍କୁଲରେ 900 ଓ ଅରାହାଟ ସ୍ଥିତ ନାରାୟଣୀ ଇନଷ୍ଟିଚ୍ୟୁଟରେ 300ରୁ ଅଧିକ ପରୀକ୍ଷାର୍ଥୀ ପରୀକ୍ଷା ଦେବେ । ଅପରାହ୍ନ 2ଟାରୁ ପରୀକ୍ଷା ଆରମ୍ଭ ହେବାକୁ ଥିବାବେଳେ କୋଭିଡ କଟକଣା ମଧ୍ୟରେ ଛାତ୍ରଛାତ୍ରୀଙ୍କୁ ଦିନ ସାଢେ 11ଟାରୁ ପରୀକ୍ଷା କେନ୍ଦ୍ରକୁ ପ୍ରବେଶ କରାଯାଇଛି । ଉଭୟ କେନ୍ଦ୍ରରେ କଡା ପୋଲିସ ସୁରକ୍ଷା ବ୍ୟବସ୍ଥା ସହ ପରୀକ୍ଷାର୍ଥୀଙ୍କ ପାଇଁ ମାସ୍କ, ସାନିଟାଇଜର ଓ ସାମାଜିକ ଦୂରତା ଉପରେ ଗୁରତ୍ବ ଦିଆଯାଇଥିବା ଦେଖିବାକୁ ମିଳିଛି । ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ