ଭାଇରସ ସହ ଲଢେଇ ବେଳେ ଭୋକର ବିରଳ ଚିତ୍ର

ନୂଆପଡା: ଭୂତାଣୁ ଠାରୁ ବଳିଗଲା ଭୋକ । ଅସହ୍ୟ ଭୋକ ଆଗରେ ଏହି ଭାଇରସ ଲଢେଇକୁ ଭୂଲିବାକୁ ବାଧ୍ୟହେଲା ଏହି ନିରୁପାୟ ମଣିଷ । ଭୋକ ବିକଳରେ ଯାହା ମିଳିଲା ତାକୁ ଗୋଟେଇ ଖାଇଲା । ତେବେ କୋରୋନା ମହାମାରୀ ପ୍ରକୋପ ତଥା ଭାଇରସ ସହ ସ୍ବଚ୍ଛତାର ଏହି ଲଢେଇ ମଧ୍ୟରେ ନୂଆପଡା ଜିଲ୍ଲା ସଦର ମହୁକମା ଠାରେ ଦେଖାବାକୁ ମିଳିଛି ଏମିତି ଏକ ଦୃଶ୍ୟ । ତେବେ ଘଟଣାଟି ବ୍ଲକ କାର୍ଯ୍ୟାଳୟ ପରିସରରେ ହିଁ ଘଟିଛି । ବ୍ଲକ କାର୍ଯ୍ୟାଳୟ ନିକଟରେ ଥିବା ଡଷ୍ଟବିନରୁ ଖାଦ୍ୟ ଉଠାଇ ଖାଇବାରେ ଲାଗିଛନ୍ତି ଏହି ଭୋକିଲା ମଣିଷ ଜଣଙ୍କ । ଅସହ୍ୟ ଭୋକକୁ ସହି ନପାରି ଡ଼ଷ୍ଟବିନରୁ ପଚା ସଢା ଓ ଦୂଷିତ ଖାଦ୍ୟକୁ ଖାଇ ଚାଲିଛନ୍ତି ଏହି ଅସହାୟ ଭୋକିଲା ବ୍ୟକ୍ତି । ଆଉ ଏହି ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।