ରାସ୍ତା ଉପରେ ହୁ ହୁ ହୋଇ ଜଳିଲା LPG ବୋଝେଇ ଟ୍ରକ, ଦେଖନ୍ତୁ ଭିଡିଓ...

ସୁନ୍ଦରଗଡ: ରାସ୍ତା ଉପରେ LPG ବୋଝେଇ ଟ୍ରକରେ ଲାଗିଲା ନିଆଁ । ମଝି ରାସ୍ତାରେ ହୁ ହୁ ହୋଇ ଜଳିଲା ଟ୍ରକ । ଆଜି ସକାଳ ପ୍ରାୟ ୫ଟା ସମୟରେ ସୁନ୍ଦରଗଡ ସଦର ଥାନା ଅନ୍ତର୍ଗତ ରାଜ୍ୟ ରାଜପଥ-10 ରସରାଜପୁର ନିକଟରେ ଘଟିଛି ଏହି ଅଘଟଣ । ଏହି ବଡ ଅଘଟଣରୁ ଟ୍ରକ ଚାଳକ ଅଳ୍ପକେ ବର୍ତ୍ତି ଯାଇଛନ୍ତି । ସୁନ୍ଦରଗଡ ଫାୟାର ବ୍ରିଗେଡ କର୍ମୀମାନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଟ୍ରକଟି ରାଉରକେଲାରୁ ଝାରସୁଗୁଡା ଅଭିମୁଖେ ଆସୁଥିବା ବେଳେ ମଝି ରାସ୍ତାରେ ହଠାତ୍ ଗାଡିରେ ନିଆଁ ଲାଗିଯାଇଥିଲା । ଏଥିରେ ଟ୍ରକର ଇଞ୍ଜିନ ସମେତ ସମ୍ମୁଖ ଭାଗ ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି । ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ