କୋରୋନା ରୁଜ୍ଜୁରେ ବନ୍ଧା ହୋଇଛି ଦିବ୍ୟାଙ୍ଗ ବିଦ୍ୟାର୍ଥୀଙ୍କ ଭାଗ୍ୟ

ବ୍ରହ୍ମପୁର: ଦେଶ ତଥା ରାଜ୍ୟରେ ଯେତିକି ପରିମାଣର ଦିବ୍ୟାଙ୍ଗ ରହିଛନ୍ତି, ସେମାନଙ୍କ ମଧ୍ୟରୁ ପ୍ରାୟ ୬୦ ପ୍ରତିଶତ ରହିଥାନ୍ତି ମାନସିକ ଅନଗ୍ରସର । ସେମାନଙ୍କୁ ମୁଖ୍ୟସ୍ରୋତରେ ଆଣିବା ପାଇଁ ସ୍ୱତନ୍ତ୍ର ବିଦ୍ୟାଳୟରେ ନିୟମିତ ଭାବରେ ତାଲିମ ଦିଆଯାଇଥାଏ । ବ୍ରହ୍ମପୁରରେ ସେହିଭଳି ଶିଶୁମାନଙ୍କ ମାନସିକ ବିକାଶ ପାଇଁ ବିଦ୍ୟାଳୟ ରହିଛି । ମୁଖ୍ୟତଃ ଯେଉଁ ଶିଶୁମାନେ ୬୦ ରୁ ୭୦ ପ୍ରତିଶତରୁ କମ୍ ଆଇ.କ୍ୟୁ ରହିଛି, ସେମାନଙ୍କୁ ଏଭଳି କେନ୍ଦ୍ରରେ ଫିଜିଓଥେରାପି ଠାରୁ ଆରମ୍ଭ କରି କିପରି କଥା କହିବା ,ନିଜର ଅତି ଆବଶ୍ୟକ କାର୍ଯ୍ୟ କରିବା, ସେସବୁ ନିୟମିତ ଭାବରେ ଅଭ୍ୟାସ କରାଯାଉଥିଲା । ହେଲେ ଲକଡାଉନ ଯୋଗୁଁ ବନ୍ଦ ହୋଇ ପଡିଛି ଏଭଳି ଅନେକ ମାନସିକ ଅନଗ୍ରସର ବିଦ୍ୟାର୍ଥୀଙ୍କ ସ୍ୱତନ୍ତ୍ର ବିଦ୍ୟାଳୟ । ଫଳରେ 4 ରୁ 5 ମାସ ଧରି ଏହି ବର୍ଗର ଛାତ୍ରଛାତ୍ରୀ ତାଲିମରୁ ବଞ୍ଚିତ ହେଉଛନ୍ତି । ସେପଟେ ଅଭିଭାବକମାନେ ସେମାନଙ୍କୁ ଆକଟ କରି ରଖିବା ମଧ୍ୟ ତାଙ୍କ ପକ୍ଷେ କଷ୍ଟକର ହୋଇପଡୁଛି ।