ହାଇଦ୍ରାବାଦ: ଟେଲିକମ କମ୍ପାନୀ ଏୟାରଟେଲ ନିଜର ରିଚାର୍ଜ ପ୍ଲାନ ବଢାଇ ଦେଇଛି । ୩ ଜୁଲାଇରୁ ଲାଗୁ ହୋଇଛି ନୂଆ ପ୍ଲାନ । ଫଳରେ ଗ୍ରାହକଙ୍କୁ ପୂର୍ବାପେକ୍ଷା ଅଧିକ ଖର୍ଚ୍ଚ କରିବାକୁ ପଡୁଛି । ଯଦି ଆପଣ ବି ଏୟାରଟେଲ ସିମ୍ ବ୍ୟବହାର କରୁଛନ୍ତି, ତେବେ ଆପଣ ଚାହିଁଲେ କିଛି ଟ୍ରିକ୍ ଆପଣାଇ ପ୍ରତି ମାସରେ କ୍ୟାସବ୍ୟାକ୍ ପାଇପାରିବେ ।
ଏୟାରଟେଲ ରିଚାର୍ଜରେ ୨୫% କ୍ୟାସବ୍ୟାକ୍:
ଡିଜିଟାଲ ପେମେଣ୍ଟର ସୁବିଧା ପ୍ରଦାନ କରୁଥିବା ଏୟାରଟେଲର ଏକ ସ୍ବତନ୍ତ୍ର ଆପ୍ ରହିଛି । ଯାହାର ନାମ ହେଉଛି ଏୟାରଟେଲ ଥ୍ୟାଙ୍କସ ଆପ୍(Airtel Thanks App) । ଆମେ ଆପଣଙ୍କୁ ଏମିତି ନୂଆ ଉପାୟ ବିଷୟରେ କହିବାକୁ ଯାଉଛୁ, ଯାହା ଅବଲମ୍ବନ କରିବା ଦ୍ବାରା ଆପଣ ପ୍ରତି ମାସରେ ୨୫ ପ୍ରତିଶତ କ୍ୟାସବ୍ୟାକ ଫେରିପାଇପାରିବେ ।
ଏହି କ୍ୟାସବ୍ୟାକ୍ ପାଇବାକୁ ହେଲେ ଗ୍ରାହକଙ୍କ ନିକଟରେ ଆକ୍ସିସ ବ୍ୟାଙ୍କ କ୍ରେଡିଟ୍ କାର୍ଡ ରହିବା ଆବଶ୍ୟକ । ଏୟାରଟେଲ ଥ୍ୟାଙ୍କସ ଆପରେ ଆକ୍ସିସ ବ୍ୟାଙ୍କ କ୍ରେଡିଟ୍ କାର୍ଡ ସାହାଯ୍ୟରେ ପେମେଣ୍ଟ କରିବା ଦ୍ବାରା ଆପଣଙ୍କୁ ଏହି କ୍ୟାସବ୍ୟାକ୍ ପାଇବାର ସୁବିଧା ମିଳିବ । ଏୟାରଟେଲ ମୋବାଇଲ/ଡିଟିଏଚ ରିଚାର୍ଜ, ବ୍ରଡବ୍ୟାଣ୍ଡ ଏବଂ ୱାଇଫାଇ ପେମେଣ୍ଟ ପାଇଁ ଏହି ସୁବିଧା ଉପଲବ୍ଧ । ଦେଖିବାକୁ ଗଲେ ଆପଣ ରିଚାର୍ଚ କରୁଥିବା ଟଙ୍କାର ୨୫ ପ୍ରତିଶତ( ୨୫୦ ଟଙ୍କା ପର୍ଯ୍ୟନ୍ତ) କ୍ୟାସବ୍ୟାକ୍ ମିଳିବାର ସମ୍ଭାବନା ରହିଛି ।
ବିଦ୍ୟୁତ୍ ବିଲ ପୈଠ କଲେ କ୍ୟାସବ୍ୟାକ୍:
ଏୟାରଟେଲ ଥ୍ୟାଙ୍କସ ଆପରେ ଯଦି ଆପଣ ଆକ୍ସିସ ବ୍ୟାଙ୍କ କ୍ରେଡିଟ୍ କାର୍ଡ ସାହାଯ୍ୟରେ ବିଜୁଳି ବିଲ୍ ବୈଠ କରୁଛନ୍ତି ତେବେ ୧୦ ପ୍ରତିଶତ କ୍ୟାସବ୍ୟାକ୍ ମିଳିପାରେ । ଏହିପରି ଉପାୟ ଅବଲମ୍ବନ କରି ଗ୍ରାହକ କମ୍ପାନୀ ତରଫରୁ ମିଳୁଥିବା ଅଫର୍ ଗୁଡିକର ଲାଭ ଉଠାଇପାରିବେ । କହିରଖୁଛୁ, ଏୟାରଟେଲ ବ୍ୟତୀତ ଜିଓ ଏବଂ VI ମଧ୍ୟ ମୋବାଇଲ ତାରିଫ୍ ପ୍ଲାନ ବୃଦ୍ଧି କରିଛନ୍ତି । ଫଳରେ ରିଚାର୍ଜ କରାଇବାକୁ ହେଲେ ୟୁଜର୍ସଙ୍କ ପକେଟ୍ ଖାଲି ହୋଇଯିବା ଭଳି ସ୍ଥିତି ଉପୁଜୁଛି । ନିଜର ସିମ ଆକ୍ଟିଭ ରଖିବାକୁ ଯାଇ ଗ୍ରାହକଙ୍କୁ ପୂର୍ବାପେକ୍ଷା ଅଧିକ ଖର୍ଚ୍ଚାନ୍ତ ହେବାକୁ ପଡୁଛି ।
